استانادا 600 دومبىراشى ءبىر ساتتە قۇرمانعازىنىڭ كۇيىن ورىندادى - فوتو
گالا-كونسەرتتىڭ اشىلۋ سالتاناتىندا ءسوز العان وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ بارشا استانالىقتار مەن قوناقتاردى كونستيتۋتسيا كۇنىمەن قۇتتىقتادى.
وڭتۇستىك ونەرپازدارىنىڭ كونسەرتىنە ق ر پرەمەر-ءمينيسترىنىڭ ورىنباسارى ە. دوسايەۆ، ەڭبەك جانە حالىقتى الەۋمەتتىك قورعاۋ ءمينيسترى ت. دۇيسەنوۆا، مادەنيەت جانە سپورت ءمينيسترى ا. مۇحامەدي ۇلى، سىرتقى ىستەر ءمينيسترى ق. ابدراحمانوۆ، جوعارعى سوت ءتوراعاسى ق. ءمامي، «سامۇرىق-قازىنا» ا ق باسقارما ءتوراعاسى ءو. شوكەيەۆ، استانا قالاسى اكىمىنىڭ ورىنباسارى ە. امانشايەۆ، ق ر پارلامەنتى سەناتىنىڭ دەپۋتاتتارى مەن قازاقستانداعى شەتەل ەلشىلەرى جانە قوعام قوعام قايراتكەرلەرى قاتىسىپ، بۇگىنگى كەشتىڭ مارتەبەلى مەيماندارى بولدى.
ءوڭىردىڭ وزىندىك كەلبەتى مەن ەرەكشەلىگىن، مادەني، رۋحاني بايلىعى مەن تاريحي ىزگى قادامدارىن جۇرتشىلىققا ناسيحاتتاۋ ماقساتىنداعى ايتۋلى شاراعا وبلىستىڭ 1000 عا جۋىق مادەنيەت جانە ونەر شەبەرلەرى قاتىستى. ونەر كوشىنىڭ العى باسپالداعى جەرگىلىكتى ونەرپازداردىڭ گالا-كونسەرتىمەن باستالىپ، استاناداعى مادەنيەت كۇندەرىنىڭ شىمىلدىعى ءتۇرىلدى.
كيەلى، تاريحي مەكەنگە باي كۇنگەي ولكەنىڭ شاراسى «قازىنا»، «شامسينۋر»، «تۇمار»، «شاتتىق» ءبي انسامبلدەرى مەن بالەت توبى، ش. قالداياقوۆ اتىنداعى وبلىستىق فيلارمونيانىڭ انشىلەرىنىڭ قاتىسۋىمەن «تىرشىلىكتىڭ باستاۋى - قازىعۇرت» سازدى-حورەوگرافيالىق كومپوزيتسياسىنان باستاۋ الدى.
ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا كورسەتىلگەندەي تۋعان جەرگە دەگەن سۇيىسپەنشىلىكتى ارتتىرۋ، وتان-انا مەن سارابدال ساياساتتى ەلدىڭ اسقاق ءومىرىن ناسيحاتتاۋعا ماقساتىندا دۇنيەگە كەلگەن ن. بەيسەقوجايەۆتىڭ «نۇرلى جول» كۇيى ش. قالداياقوۆ اتىنداعى وبلىستىق فيلارمونيانىڭ «سۇگىر» اتىنداعى ۇلت- اسپاپتار وركەسترى، وبلىستىق وپەرا جانە بالەت تەاترىنىڭ سيمفونيالىق وركەسترى، «وڭتۇستىك-سيرك» مەكەمەسىنىڭ «ح-بەند» ەسترادالىق دجاز ءانسامبلىنىڭ ورىنداۋىمەن پاش ەتىلسە، ءان پاديشاسى ءشامشى قالداياقوۆتىڭ اندەرىنەن قۇرالعان پوپپۋري دە ونەر سۇيەر كورەرمەنگە جول تارتتى.
حالىق اندەرى مەن ءداستۇرلى اندەر جانە سوپرانولار مەن تەنورلاردىڭ شەرۋى رەسپۋبليكالىق، حالىقارالىق بايقاۋلاردىڭ جەڭىمپازدارى اتانعان ونەر دۇلدىلدەرىنىڭ ورىنداۋىمەن ب. سەردالىنىڭ «تۇركىستانىم - تۇرانىم» ءانى مەن «قازىنا» ءبي ءانسامبلى «دالا دانالىعى» ءبيى رۋحتى كوتەرىپ، جىگەردى وياتار لەپپەن ورىندالدى.
گالا-كونسەرت بارىسىندا وڭتۇستىك ءوڭىرىنىڭ تۋماسى، ق ر ەڭبەك سىڭىرگەن قايراتكەرى ءانشى التىناي جورابايەۆانىڭ ورىنداۋىنداعى «ەلىمنىڭ جۇرەگى - استانا» ءانى اياسىندا «شامسينۇر»، «شاتتىق» ءبي انسامبلدەرى وزىندىك ونەردىڭ ۇلگىسىن پاش ەتتى. شارا سوڭى «ماڭگىلىك ەل ءۇشىن» سازدى-اۋەندى كومپوزيتسياسىمەن قورىتىندىلاندى.
بۇدان بولەك، 600 جاس دومبىراشى ءبىر مەزەتتە قۇرمانعازىنىڭ «بالبىراۋىن» كۇيىن ورىنداپ، دومبىرانىڭ كۇمبىرلەگەن ءۇنى كورەرمەندەردى ەرەكشە اسەرگە بولەدى.