ماقتاارالدىق ديقاندار 600 مىڭ توننادان استام قاۋىن مەن قاربىز جينادى
07:48, 11 - قازان 2016
شىمكەنت. قازاقپارات - سوڭعى 10 جىلدا رەسپۋبليكادا ماقتا وندىرۋمەن اتاق- داڭقى شىققان وڭتۇستىك قازاقستان وبلىسى ماقتاارال اۋدانىنىڭ شارۋالارى باقشا ونىمدەرىن وندىرۋمەن تانىمال بولىپ كەلەدى،
دەپ حابارلايدى قازاقپارات ماقتاارال اۋدانى اكىمدىگىنىڭ باسپا ءسوز قىزمەتىنە سىلتەمە جاساپ.
ماقتاارال اۋدانىنىڭ ديقاندارى بيىلعى جىلى 28 گەكتار جەردەن 610 مىڭ توننا قاۋىن مەن قاربىز جينادى. ولاردىڭ 450 مىڭ تونناسى ەكسپورتقا جونەلتىلدى. ءار گەكتار جەردەن 263 سەنتنەر ءونىم الىندى. بيىلعى جىلى وتكەن جىلعىدان 25 سەنتنەر قاۋىن- قاربىزدان ارتىق جيناعان شارۋالار ورتالىق ازيا بويىنشا باقشا ونىمدەرىن وندىرۋدەن الدىدا كەلەدى.
بۇگىندە ماقتاارال باۋ- باقشا ونىمدەرىنەن اسىرەسە رەسەي مەن بەلارۋس كاسىپكەرلەرى ايتارلىقتاي كىرىس كورىپ وتىر. وڭتۇستىك قازاقستاندىق ونىمدەردى كورشىلەر جاقىن شەت مەملەكەتتەر مەن شىعىس ەۋروپا ەلدەرىنە جونەلتۋدە.