الماتى وبلىسىندا «نۇرلى جول» باعدارلاماسى اياسىندا 600 دەن استام پاتەر سالىنادى
00:19, 03 - قازان 2016
تالدىقورعان. قازاقپارات - الماتى وبلىسىنىڭ اكىمدىگى مەن «قازاقستاننىڭ تۇرعىن ءۇي قۇرىلىس جيناق بانكى» ا ق ينفراقۇرىلىمدى دامىتۋدىڭ 2015-2019 -جىلدارعا ارنالعان «نۇرلى جول» مەملەكەتتىك باعدارلاماسى اياسىندا ىنتىماقتاستىق تۋرالى مەموراندۋمگە قول قويدى.
قۇجاتقا سايكەس، وڭىردەگى باسپانانىڭ تۇرعىزىلۋىنا جەرگىلىكتى باسقارۋ ورگاندارى مەن ۇلتتىق قوردان 3,6 ميلليارد تەڭگە بولىنەدى.
بۇل قاراجاتقا 672 پاتەرى بار 6 ءۇي سالىنادى جانە بانك سالىمشىلارىنا باسپانانىڭ شارشى مەترى 140000 تەڭگەدەن بەرىلەدى.
«قازاقستاننىڭ تۇرعىن ءۇي قۇرىلىس جيناق بانكى» ا ق الماتى وبلىستىق فيليالىنىڭ ديرەكتورى عالىمجان شالعىمبايەۆتىڭ ايتۋىنشا، وبلىستىڭ ءۇش ەلدى مەكەنىندە قونىس تويى تويلانادى. تالدىقورعاندا 562 پاتەر بولاتىن 4 ءۇي، قاسكەلەندە 50 پاتەرلىك ءبىر نىسان جانە وتەگەن باتىر اۋىلىندا تاعى ءبىر تۇرعىن ءۇي تۇرعىزىلادى. وندا 60 پاتەر بولماق.