قىتايدىڭ جياڭسۋ پروۆينتسياسى «قورعاس- شىعىس قاقپاسىن» دامىتۋعا 600 ميلليون دوللار ينۆەستيتسيا بولمەك
مەملەكەت باسشىسى نۇرسۇلتان نازاربايەۆتىڭ ق ح ر- عا مەملەكەتتىك ساپارى اياسىندا «قازاقستان تەمىر جولى» ۇ ك» ا ق پرەزيدەنتى اسقار ءمامين جياڭسۋ پروۆينتسياسىنىڭ گۋبەرناتورى لي سيۋەيۋنمەن قازاقستانداعى «قورعاس- شىعىس قاقپاسى» ا ە ا جانە قىتايداعى ش ى ۇ حالىقارالىق لوگيستيكالىق ايماعى ليانيۋنگان پورتى ينفراقۇرىلىمىن دامىتۋعا باعىتتالعان شەكتى كەلىسىمگە قول قويدى.
شەكتى كەلىسىم «قورعاس- شىعىس قاقپاسى» ا ە ا جانە ليانيۋنگان پورتى ينفراقۇرىلىمىن دامىتۋ، ەكى ەل اراسىنداعى ساۋدا- ەكونوميكالىق قاتىناستاردى نىعايتا ءتۇسۋ، مەملەكەتتەردىڭ كولىكتىك- ترانزيتتىك الەۋەتىن جۇزەگە اسىرۋ ماقساتىندا جاسالدى.
ونىڭ سىرتىندا حالىقارالىق تەمىر جول لوگيستيكالىق سالاسىن بىرلەسىپ كوتەرە ءتۇسۋ جوسپارلانىپ وتىر. ماڭىزدى قۇجات بويىنشا تاريفتىك رەتتەۋ ميحانيزمدەرىن جەتىلدىرۋ، جۇك تاسىمالى ۋاقىتىن قىسقارتۋ، تۇراقتى باسەكەلەستىككە ساي حالىقارالىق پويىزداردى جاساقتاۋ جانە ونىڭ ءجۇرۋ كەستەسىن بارىنشا جىلدامداتۋ جايلارى قاراستىرىلعان.
جاڭا كەلىسىمدە الداعى بەس جىل كولەمىندە قىتاي تارابى «قورعاس- شىعىس قاقپاسى» ا ە ا يندۋستريالىق ايماعىن قالىپتاستىرۋ جانە لوگيستيكالىق سالانى دامىتۋ ماقساتىنا ا ق ش- تىڭ 600 ميلليون دوللارى كولەمىندە تىكەلەي ينۆەستيتسيا ءبولۋى قاراستىرىلعان.
ق ر مەن ق ح ر كولىكتىك- لوگيستيكالىق قىزمەت سالاسىن دامىتۋداعى ءوزارا ءتيىمدى سەرىكتەستىكتى ودان ءارى جەتىلدىرە تۇسۋدە. ليانيۋنگان پورتىنداعى قازاقستان- قىتاي تەرمينالى اشىلعالى بەرى ەكى جاقتى قارىم- قاتىناستا ىسكەرلىك بايلانىستار بۇرىنعىدان دا جۇيەلى تۇردە جۇزەگە اسىرىلۋدى.
ستراتەگيالىق سەرىكتەستىكتى ودان ءارى دامىتا ءتۇسۋ كولىكتىك- لوگيستيكالىق سالانىڭ جاڭا ساپالىق دەڭگەيىنە كوتەرىلۋىنە ىقپال ەتەدى.