قازاقستاندا جاسالعان: «الماتى ءونىمى» ايىنا 600 تونناعا دەيىن حالۋا ءونىمىن شىعارادى
10:28, 03 - تامىز 2015
تالدىقورعان. قازاقپارات - الماتى وبلىسىنداعى ءىرى كونديتەرلىك كومپانيالاردىڭ ءبىرى «الماتى ءونىمى» ايىنا 800 تونناعا دەيىن ءتاتتى ءونىم وندىرەدى.
2010-جىلى كومپانيا 460 ميلليون تەڭگەگە جۋىق نەسيە العان. وتكەن جىلى مەملەكەتتىك باعدارلاما بويىنشا قايتا قارجىلاندىرۋ ارقاسىندا ءوندىرىسىن كەڭەيتتى.
اي سايىن كومپانيا 600 توننا حالۋا شىعارادى. ول وسى ءتاتتى تاعام ءتۇرىن وندىرەتىن ورتا ازياداعى ەڭ ءىرى زاۋىت. سونداي-اق مۇندا پراندىك، ۆافەل، تۇتىكتەشەلەر، كارامەل ونىمدەرىنىڭ 273 ءتۇرىن دايىندايدى.
«دامۋ» قورى قارجىلاندىرعان سوڭ پراندىك وندىرەتىن ەكى جەلى ساتىپ الدىق. ءبىرى - پولشالىق، ەكىنشىسى - قىتايلىق. قازىر ايىنا 2 مىڭ توننا ءونىم شىعارۋعا دايىنبىز»، - دەدى «الماتى ءونىمى» ج ش س ديرەكتورىنىڭ ورىنباسارى الەكساندر مايدۋروۆ.
كومپانيا نارىقتا 2002-جىلدان بەرى. قازىر مۇنداعى ەكى سەحتا 480 ادام جۇمىس ىستەيدى. پايدالانىلاتىن شيكىزاتتىڭ بارلىعى قازاقستاندىق.