تۇركيا سوتى پوليتسەيدى 600 اعاش وتىرعىزۋ جازاسىنا كەستى
11:18, 13 - ماۋسىم 2015
استانا. قازاقپارات - 2013 -جىلى تۇركيادا بولعان جاپپاي تارتىپسىزدىك كەزىندە قىزمەتتىك قۇزىرەتىن اسىرا پايدالانعان پوليتسەيگە سوت ەرەكشە جازا كەستى.
ءتارتىپ ساقشىسى 600 ءتۇپ اعاشتى ەگىپ، ولار تولىق جاپىراق جايىپ كەتكەنشە، باعىپ-قاعۋعا مىندەتتى، دەپ حابارلايدى epochtimes.ru.
باستاپقىدا سۋديا پوليتسەيدى 20 ايعا باس بوستاندىعىنان ايىرۋ تۋرالى شەشىم شىعارىپتى. ءبىراق ونىڭ ۇلگىلى تارتىبىنە بايلانىستى جازانى ورىندالۋى مىندەتتى جۇمىس تۇرىنە اۋىستىرعان. پوليتسەي شەرۋشىلەردىڭ دەنساۋلىعىنا قاساقانا زيان كەلتىرگەنى ءۇشىن كىنالى تانىلدى. 2013 -جىلعى ىستامبۇلداعى جاپپاي باس كوتەرۋ كەزىندە ول قارۋسىز ايەلگە جاساۋراتقىش گاز شاشىپ جاتقان جەرىنەن بەينەكامەراعا ءتۇسىپ قالعان. وسى دەرەك سوتتا ونىڭ قىلمىسىنىڭ دالەلى بولىپ تانىلدى.
www.24.kz