سەمەيدەگى ماشينا جاساۋ زاۋىتى بۇگىنگە دەيىن 6000 استام تراكتور شىعارعان
تەحنيكانى نەگىزىنەن اۋىل شارۋاشىلىعى سالاسى تۇتىنىپ وتىر. اسىرەسە فەرمەرلەرگە «قازاگرو قارجى» مەكەمەسى ارقىلى مەملەكەتتىڭ قولداۋىمەن ليزينگكە بەرىلەدى.
بۇگىنگە دەيىن «بەلارۋس» تراكتورىنىڭ 7 ءتۇرى شىعارىلىپ كەلسە، بيىل تاعى ءبىر جاڭا مودەل بەلارۋس-952 قوسىلىپ وتىر. جەلىدە 50 جاس مامان جۇمىس ىستەيدى. تۇگەلى جەرگىلىكتى كوللەدج تۇلەكتەرى. ولار مينسكىلىك مامانداردىڭ ارنايى وقىتۋىنان وتكەن.
سونداي- اق يندۋستريالدىق باعدارلاما شەڭبەرىندە قاراعاندىداعى مەديتسينالىق لوگيستيكالىق ورتالىقتا جوبالىق قۋاتىنا شىقتى. مۇنداعى ءدارى- دارمەك قويماسى جىل ىشىندە ەلىمىزدەگى ەمدەۋ مەكەمەلەرىنە 40 ميلليارد تەڭگەنىڭ پرەپاراتتارىن جەتكىزەدى. يننوۆاتسيالىق جوبا قۇنى - 1,5 ميلليارد تەڭگە، مۇندا 300 ادام جۇمىسپەن قامتىلعان. بۇل ازىرگە رەسپۋبليكا بويىنشا جالعىز قويما. مۇنداعى بارلىق جۇمىس تولىق اۆتوماتتاندىرىلعان. الەمنىڭ 130 مەملەكەتىنەن كەلىپ تۇسەتىن پرەپاراتتار ەلەكتروندىق تەرمينالدار ارقىلى سۇرىپتالادى. ودان كەيىن ءدارى- دارمەكتەر تاپسىرىس بويىنشا ەلىمىزدەگى اۋرۋحانالار مەن ءدارىحانالارعا جەتكىزىلەدى. ال قويمادا جۇمىس ىستەيتىن ماماندار گەرمانياعا بارىپ بىلىكتىلىگىن جەتىلدىرىپ قايتقان.
جاندوس ءىلياسوۆ، سەمەي ماشينا جاساۋ زاۋىتىنىڭ باسشىسى:
بيىل 1300 تراكتور جاساپ شىعارامىز دەپ جوسپارلاپ وتىرمىز، بىلتىر 1350 تراكتور جاسالدى. ءبىزدىڭ تراكتور ساپاسىنا 1 جىل گارانتيا نەمەسە مىڭ موتوساعات.