تاشكەنت. KAZINFORM - بيىل قاڭتار-ءساۋىر ايلارى ارالىعىندا وزبەكستانعا 3,1 ميلليوننان استام شەتەلدىك تۋريست كەلدى، بۇل وتكەن جىلدىڭ سايكەس كەزىڭىمەن سالىستىرعاندا %46,4 عا كوپ، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
وزبەكستاننىڭ ۇلتتىق ستاتيستيكا كوميتەتىنىڭ وكىلدەرى ءمالىم ەتكەندەي، ەلگە ساياحاتتاپ كەلگەن شەتەلدىكتەردىڭ كوبى - قىرعىزستان (942,2 مىڭ ادام) مەن تاجىكستان (793,9 مىڭ ادام) ازاماتتارى.
بۇل رەتتە ۇشتىكتى قازاقستان تۇيىندەيدى. بيىل قاڭتار-ءساۋىر ارالىعىندا 617 مىڭنان اسا قازاقستاندىق دەمالىسىن وزبەكستاندا وتكىزگەن.
تۋريستەردىڭ كوبى تاشكەنت، سامارقاند، بۇحارا جانە حيۋا قالالارىنىڭ كورىكتى جەرلەرىنە ساياحاتتاعان.
ەسكە سالايىق، 2024-جىلى وزبەكستان 2,2 ميلليون قازاقستاندىق ساياحاتشىنى قابىلداۋدى جوسپارلاعان ەدى. دەگەنمەن بىلتىر 11 ايدا ەلگە 1,3 ميلليوننان استام قازاقستاندىق تۋريست كەلگەن.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.