«14 - قاڭتاردا مولدوۆالىق سپورتشى- ەكسترەمال دميتري ۆولوشيننىڭ قايىرىمدىلىق جۇگىرۋى بولىپ ءوتتى. ول الەمنىڭ ەڭ سۋىق نۇكتەسىندە - ياكۋتيانىڭ ويمياكونسك ۇلىسىندا جۇگىردى. دميتريي 60 گرادۋس ايازدا 50 شاقىرىم قاشىقتىقتى باعىندىردى. مەتەورولوگيالىق دەرەكتەرگە سايكەس، سەزىلەتىن تەمپەراتۋرا 67 گرادۋستى قۇرادى»، - دەلىنگەن حابارلامادا.
ۆولوشين بۇل قاشىقتىقتى التى ساعاتتا ارتقا تاستاعان.
«بۇل مەنىڭ سپورتتىق مانسابىمداعى ەڭ قيىن سىناق بولدى. قاتتى ايازدان اۋا جەتپەي قالدى. جۇگىرگەن كەزىندە بەتىمدى ۇسىك شالعان جوق دەگەن ۇمىتتەمىن. دەمالۋىم دا قيىنعا سوقتى - اۋادا وتتەگى وتە از بولدى، ال ماسكاعا مۇز قاتىپ قالدى»، - دەيدى سپورتشى.
قايىرىمدىلىق جوباسىنىڭ باستى ماقساتى - بالالاردىڭ سەرەبالدى سال اۋرۋىنا جۇرتشىلىقتىڭ نازارىن اۋدارۋ.
فوتو: youtube.com