الداعى 6 جىلدا ەلىمىزدە 25 سۋ قويماسى سالىنادى - مينيسترلىك
«2023-2029 -جىلدار ارالىعىندا مەملەكەتتىك مەنشىك دەكلاراتسياسىن ازىرلەۋدى ەسكەرە وتىرىپ، 77 سۋ شارۋاشىلىعى وبەكتىلەرىنە كوپ فاكتورلى تەكسەرۋ جۇرگىزىلەدى. سونىمەن قاتار، 3,5 مىڭ شاقىرىم سۋارۋ كانالدارى جوندەۋدەن وتەدى. 25 جاڭا سۋ قويماسىن سالىنادى، جۇمىس ىستەپ تۇرعان 16 قويما قايتا جاڭعىرتىلادى»، - دەلىنگەن اشىق ن ق ا پورتالىندا جاريالانعان 6 جىلدىق تۇجىرىمدامادا.
ەكولوگيا جانە تابيعي رەسۋرستار مينيسترلىگىنىڭ مالىمەتىنشە، كەلەر جىلى كانالدار ارقىلى بەرىلەتىن سۋدىڭ تاريفتەرى دە قايتا قارالادى.
«عىلىمي نەگىزدىلىك، ەكونوميكالىق ورىندىلىق جانە قازاقستان استاناسىن سۋمەن قامتاماسىز ەتۋ بويىنشا قولايلى جوبانى تاڭداۋ تۇرعىسىنان زەرتتەۋلەر جۇرگىزۋ قاجەت. ول جۇمىستار 2025 -جىلى قولعا الىنادى. ناتيجەسىندە استانا سۋ قويماسى جوندەۋدەن وتەدى، ونداعى شوگىندىلەر تازارتىلادى»، - دەپ جۇمىس جوسپارى باياندالعان تۇجىرىمدامادا. قۇجات 20 -ماۋسىمعا دەيىن كوپشىلىك تالقىلاۋدا بولادى.