«بيىل دەنساۋلىق ساقتاۋ ۇيىمدارى جەلىسىنىڭ جاڭا مەملەكەتتىك نورماتيۆى بەكىتىلدى. تۇرعىندار سانى 50-دەن 500 ادامعا دەيىنگى اۋىلداردا مەديتسينالىق پۋنكت اشۋ، حالقى 500-دەن 1500 ادامعا دەيىنگى اۋىلداردا فەلدشەرلىك- اكۋشەرلىك پۋنكت قۇرۋ كوزدەلەدى.
5000-نان استام تۇرعىن تۇراتىن اۋىلداردا مەديتسينالىق- سانيتاريالىق العاشقى ورتالىقتار قۇرىلاتىن بولادى. جاڭا نورماتيۆتەر جەرگىلىكتى اتقارۋشى ورگانداردىڭ قالاۋى بويىنشا دارىگەرلىك امبۋلاتوريالاردىڭ ۋچاسكەلەرىن كەڭەيتۋدى كوزدەيدى. «التىن ساعات» قاعيداتى بويىنشا اۋىل حالقىنا ۋاقتىلى شۇعىل مەديتسينالىق كومەك كورسەتۋ ءۇشىن 32 كوپبەيىندى اۋدانارالىق اۋرۋحانالار كوپبەيىندى ورتالىق اۋداندىق اۋرۋحانالار بولىپ قايتا قۇرىلادى»، - دەدى ءبىرىنشى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، ونكولوگيالىق اۋرۋ كۇدىگىنە ىلىككەن پاتسيەنتتەر ءۇشىن «جاسىل ءدالىز» ەنگىزىلدى. ياعني، مۇنداي كۇدىككە ىلىككەن پاتسيەنتتەر كەزەكتەن تىس ءارى شەكتەۋسىز دارىگەردىڭ قابىلداۋىنا كىرەدى.
«2022 -جىلدىڭ 6 ايىندا «جاسىل ءدالىز» ارقىلى 25 مىڭنان استام ادام ءوتتى. ونىڭ ىشىندە 19 مىڭنان استام پاتسيەنتتە قاتەرلى ىسىكتىڭ جاڭادان قالىپتاسۋ دياگنوزى انىقتالدى»، - دەدى جاندوس بۇركىتبايەۆ.
اۆتور
مارلان جيەمباي