تۇركيادا ءزىلزالادان كەيىن سەگىز كۇن وتكەندە 6 جانە 12 جاسار بالالار امان تابىلدى
بۇل تۋرالى قازاقپارات انادولى اگەنتتىگىنە سىلتەمە جاساپ حابارلايدى.
قۋانىشتى حابار قيراعان عيمارات ۇيىندىلەرى استىنان ءتىرى قالعانداردى ىزدەۋ جۇمىسى جۇرگىزىلگەن ءاليتاش تۇرعىن ورامىنان كەلدى.
ميراي اۋرۋحاناعا جەتكىزىلدى.
ال ەلدىڭ حاتاي پروۆينتسياسىندا ءزىلزالادان كەيىن ارادا 182 ساعات وتكەندە ءۇيىندى استىنان 12 جاسار بالا شىعارىلدى.
كاان ەسىمدى بالا انتاكيانىڭ دجابرايىل تۇرعىن ورامىندا قۇلاعان عيمارات ۇيىندىلەرى استىنان قۇتقارىلدى. بالا اۋرۋحاناعا جاتقىزىلدى.
ىزدەستىرۋ-قۇتقارۋ جۇمىستارى جالعاسىپ جاتىر.
ەپيتسەنترى تۇركيانىڭ كاحرامانماراش قالاسىندا بولعان جويقىن جەر سىلكىنىسىنەن قازا تاپقاندار سانى 31,6 مىڭنان استى.
پرەزيدەنت رەجەپ تايىپ ەردوعان تابيعي اپات قۇرباندارىن ەسكە الۋ ءۇشىن تۇركيادا جەتى كۇندىك ۇلتتىق ازا تۇتۋ جاريالادى. تۇركيانىڭ مەملەكەتتىك تۋى بۇكىل ەلدە جارتىلاي ءتۇسىرىلدى.
جويقىن جەر سىلكىنىسى كورشىلەس ەلدەردە، سونىڭ ىشىندە سيريا، ليۆان، سولتۇستىك كيپردىڭ تۇرىك رەسپۋبليكاسى، گرەكيا كيپرىندە جانە يراكتا دا سەزىلدى.
فوتو: انادولى اگەنتتىگى