جاس بوكسشىلارىمىز ازيا چەمپيوناتىندا 6 التىن، 1 كۇمىس جانە 3 قولا مەدالگە يە بولدى - فوتو
11:15, 09 - مامىر 2016
پاۆلودار. قازاقپارات - بوكستان جاستار اراسىندا ازيا چەمپيوناتى قازاقستان كومانداسى ءۇشىن جەمىستى جەڭىسپەن اياقتالدى.
قالاداعى قازاقستان مۇز سارايىندا التى رەت ءانۇرانىمىز شىرقالدى. جاس سپورتشىلارىمىز التىنعا قوسا كۇمىس جانە قولا مەدالدەردى ولجالادى.
ون بوكسشىمىز تۋرنيردىڭ اقتىق سىنىنا شىعىپ، بارلىعى دا ماراپاتتالدى.
«قازاقپارات» ح ا ا ءتىلشىسى جاستار قۇراماسىنىڭ باپكەرى عالىم كەنجەتايەۆتان ءوزىنىڭ شاكىرتتەرىنە كوڭىلى تولا ما، دەپ سۇراپ جاتقان كەزدە ول: «ءالى ءبارى جەكپە جەگىن اياقتاعان جوق، سوندىقتان ازىرگە باعا بەرۋگە ەرتە» دەپ جاۋاپ قاتتى. وسى كەزدە زالدا بەسىنشى مارتە قازاقستاننىڭ كوك بايراعى جەلبىرەپ جاتقان ەدى.
زالعا جينالعان جانكۇيەرلەر «قازاقستان» دەپ قول سوعىپ، ۇرانداتىپ جاتقانى جاس سپورتشىلارىمىزدىڭ جەتىستىگىنە بەرىلگەن باعا بولاتىن.