كانادادا 5 ميلليون ارا كوشەگە تاراپ كەتكەن
بەلگىلى بولعانداي، 5 ميلليون ارا تيەلگەن جاشىكتەر جۇك كولىگىنەن قۇلاپ تۇسكەن. ارالاردى قىستاۋ ءۇشىن ميلتون قالاسىنا اپارا جاتقان.
Tri-City Bee Rescue ومارتا كومپانياسىنىڭ يەسى مايكل باربەردىڭ ايتۋىنشا، ەڭبەك ەتىپ كەلە جاتقان 11 جىلدا ول مۇندايدى كورمەگەن.
ومارتالاردى ۇستاپ تۇرعان باۋلار بوساپ كەتىپ، جاشىكتەر جولعا قۇلاعان جانە زاقىمدالعان.
جۇرگىزۋشىلەرگە تەرەزە اشپاۋ بۇيىرىلدى، ال جاياۋ جۇرگىنشىلەرگە وقيعا ورنىنا الىسىراق ءجۇرۋ ەسكەرتىلدى. الەۋمەتتىك جەلىلەر ارقىلى پوليتسيا ازاماتتاردى وسى ايماققا جاقىنداماۋعا شاقىردى.
م. باربەر پوليتسيادان حابارلاما العاننان كەيىن، ول باسقا ومارتاشىلاردان قوسىمشا كومەك سۇرادى. جالپى العاندا، ونداعان ومارتاشى ارا ۇستاۋ وپەراتسياسىنا قاتىستى. م. باربەر كەيىنىرەك حابارلاعانداي، ارالار مەن ولاردىڭ ۇيالارى 400 مەتر اۋماققا جايىلعان. جاقىن ماڭداعى ماشينالار مەن پوشتا بەكەتتەرىندە جاس ارالار جينالعان، ونىڭ ايتۋىنشا، ولار ءقاۋىپسىز ورىن ىزدەگەن كەزدە وسىلاي جاسايدى. بىرنەشە ساعاتتان كەيىن ارالاردىڭ كوپشىلىگى ءوز ۇيالارىن تاپقان، ءبىراق بىرنەشە ءجۇز ارا اپاتتان قىرىلعان.
ءمالىم بولعانداي، جۇك كولىگىنىڭ جۇرگىزۋشىسىن ارالار 100 رەت شاققان، ويتكەنى ونىڭ ومارتاشى كوستيۋمى بولماعان. جاقىن جەردە جەدەل جاردەم دارىگەرلەرى بولعاندىقتان ول اۋىر زارداپتان امان قالعان.