قىزىلوردا وبلىسىندا جول اپاتىنان 5 ادام مەرت بولدى
08:51, 24 - تامىز 2023
قىزىلوردا. قازاقپارات - قىزىلوردا وبلىسىنداعى جول اپاتىنا قاتىستى تەرگەۋ باستالدى، دەپ حابارلايدى قازاقپارات پوليتسياعا سىلتەمە جاساپ.
23-تامىز كۇنى ساعات 16:00 شاماسىندا قىزىلوردا وبلىسىنىڭ شيەلى اۋدانى المالى اۋىلىنىڭ تۇسىندا گازەل جانە Nexia اۆتوكولىكتەرى سوقتىعىسىپ، سالدارىنان 5 ادام قايتىس بولعان.
تاعى 3 ادام جاراقات الدى.
ق ر ق ك 345-بابىنىڭ 4-بولىگىمەن سوتقا دەيىنگى تەرگەۋ باستالدى. ءتيىستى ساراپتامالار تاعايىندالدى. وقيعانىڭ ءمان-جايى انىقتالىپ جاتىر.
پوليتسيا قىزمەتكەرلەرى جولدارداعى قاۋىپسىزدىك شارالارى تۋرالى ەسكەرتەدى.