ءشولدالاداعى سارباز ءولىمى: 5 ادام لاۋازىمىنان بوساتىلدى
بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا تىلشىلەر جامبىل وبلىسى «ءشولدالا» بەكەتىندە سارباز ولىمىنەن كەيىن شەكاراداعى باسشىلىق قۇرامنان كىمدەر جاۋاپقا تارتىلعانى جونىندە سۇراق قويدى.
«بۇل فاكت بويىنشا تەرگەۋ امالدارى اياقتالىپ، شىمكەنت گارنيزونى بويىنشا اسكەري سوتقا ماتەريالدار جىبەرىلدى. قازىر زاڭ تالاپتارىنا سايكەس، تەرگەپ- تەكسەرۋ ماتەريالدارىن جاريالاي المايمىن»، - دەدى ە. بەرىكوۆ.
ونىڭ ايتۋىنشا، بۇل وقيعادان كەيىن 5 ادام قىزمەتىنەن بوساتىلعان.
«اتقارىپ جاتقان لاۋازىمىنان وبلىستىق دەپارتامەنتتىڭ باسشىسى، شەكارا باسقارماسىنىڭ باسشىسى، زاستاۆا باسشىسى، سونداي- اق تاربيە ءىسى جونىندەگى جاۋاپتى ورىنباسارلارى بوساتىلدى»، - دەدى ەرىك بەرىكوۆ.
باس اسكەري پروكۋراتۋرا 2022 -جىلدىڭ تامىزىندا «ءشولدالا» شەكارا زاستاۆاسىنىڭ مەرزىمدى اسكەري قىزمەتشىسى ب. ميراشتىڭ ءوز- وزىنە قول سالۋ دەرەگىنە قاتىستى تەرگەۋ بارىسىن مالىمدەدى.
«بۇگىنگى كۇنى بيلىكتى اسىرا پايدالانۋ ارقىلى ءوزىن- ءوزى ولتىرۋگە دەيىن جەتكىزۋ بويىنشا كۇدىكتى رەتىندە سول زاستاۆانىڭ كەلىسىمشارت بويىنشا اسكەري قىزمەتشىسى تەرگەلۋدە. قىلمىستىق ءىس ماتەريالدارىنا سايكەس ول ب. ميراشتى جانە ونىمەن بىرگە اسكەرگە شاقىرىلعان باسقا دا مەرزىمدى اسكەري قىزمەتكەرلەردى جۇيەلى تۇردە پسيحولوگيالىق تۇرعىدا قورلاپ، سوققىعا جىققان. كۇدىكتى قاماۋعا الىنىپ، تەرگەۋ جالعاسۋدا جانە ەرەكشە باقىلاۋعا الىنعان»، - دەپ جازدى ۆەدومستۆودان.
بيىل اقپان ايىندا «ءشولدالا» شەكارا بولىمشەسىندەگى جاۋىنگەر ءولىمى فاكتىسى بويىنشا ىشكى تەرگەۋ جۇرگىزىلىپ، بىرنەشە ادام قىزمەتىنەن شەتتەتىلگەنىن جازعان ەدىك.