استانادا قۇربان ايت كۇنى اۆتوبۋستار تاڭعى 5 تەن جۇرەدى
18:35, 27 - ماۋسىم 2023
استانا. قازاقپارات - استانادا قۇربان ايت مەرەكەسىنە وراي قوعامدىق كولىك جۇمىسى ادەتتەگىدەن ءبىر ساعات ەرتە باستالادى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
«قۇربان ايت مەرەكەسىنە بايلانىستى ەلوردا تۇرعىندارى مەن قوناقتارىنا ىڭعايلى بولۋ ءۇشىن 28-ماۋسىم كۇنى قوعامدىق كولىك تاڭعى ساعات 05:00 دەن قاتىناي باستايدى.
ال 29-ماۋسىمدا اۆتوبۋستار ادەتتەگى قوزعالىس كەستەسى بويىنشا جۇرەدى»، - دەلىنگەن مالىمەتتە.
ەسكە سالايىق، بۇعان دەيىن استانادا قۇرباندىق شالۋعا بولاتىن ورىندار انىقتالعانى تۋرالى جازعان بولاتىنبىز.
ورنالاسقان مەكەنجايلارى:
«جايلاۋ» بازارى، الاش تاس جولى، س-313 كوشەسى («شارىن» بازارىنىڭ ارتى)؛
«شانحاي» بازارى، الاش تاسجولى، 34/6 («كوك بازار» بازارىنىڭ ارتى)؛
«شوپان اتا» بازارى، (رۋبيكوم جانە ءامىر بازارىنىڭ ورتاسى)؛
«باراكات» بازارى، ا-369 كوشەسى، №10 عيمارات؛
«ۇلجان» امبەباپ بازارى، ن. تىلەنديەۆ كوشەسى، 24 (بۇرىنعى «سايانۇر» بازارى) .