ماماندار «د» دارۋمەنى ەڭ كوپ كەزدەسەتىن 5 تاعامدى اتادى

استانا. قازاقپارات - ەگەر ءسىزدىڭ قالاڭىزدا كۇن سيرەك شىعاتىن بولسا جانە ونىڭ ساۋلەلەرى اۋانىڭ لاستانۋى مەن تۇتىنگە بايلانىستى جەتپەسە، D دارۋمەنىنىڭ قوسىمشا كوزدەرى قاجەت.

كوپتەگەن ادام D دارۋمەنى تاپشىلىعىنا تاپ بولادى. ول ۋلتراكۇلگىن ساۋلەلەردىڭ اسەرىنەن تەرىمىزدە سينتەزدەلەدى. عالىمدار بۇل دارۋمەندى جەتكىلىكتى مولشەردە الۋ ءۇشىن كۇنىنە كەمىندە 15-30 مينۋت كۇن استىندا ءجۇرۋ جەتكىلىكتى دەيدى.

دەگەنمەن، ءىس جۇزىندە ءبارى بولا بەرمەيدى. بىرىنشىدەن، كەيبىر ايماقتاردا كۇن سيرەك شىعادى. ەكىنشىدەن، دارۋمەندەردىڭ سينتەزى ۇلكەن قالالارداعى لاستانعان اۋاعا بايلانىستى باياۋلاۋى مۇمكىن. ۇشىنشىدەن، دارىگەرلەر جاساندى تۇردە كۇن ساۋلەسىن استىندا شامادان تىس جاتۋعا كەڭەس بەرمەيدى: ۋلتراكۇلگىن ساۋلەلەر تەرى قاتەرلى ىسىگىنىڭ قاۋپىن ارتتىرادى جانە قارتايۋ پروتسەسىن تەزدەتەدى.

دەگەنمەن، D دارۋمەنى تاعامدا دا كەزدەسەدى. ماماندار قانداي ونىمدەرگە نازار اۋدارۋ كەرەگىن ايتتى.

D دارۋمەنى ەڭ كوپ كەزدەسەتىن 5 تاعام:

• جابايى اقسەركە (لوسوس)؛

• بالىق مايى؛

• مايشاباق؛

• ساردينا، تۋنەتس؛

• ءسۇت ونىمدەرى.

از مولشەردە D دارۋمەنى جۇمىرتقادا، ىرىمشىكتە، سيىر باۋىرىندا جانە سارى مايدا كەزدەسەدى. دەگەنمەن، ولاردىڭ كومەگىمەن دارۋمەنگە دەگەن قاجەتتىلىكتى تولتىرۋ مۇمكىن ەمەس.

وكىنىشكە قاراي، D دارۋمەنى بار تاعامداردى كوپ ادام جەي بەرمەيدى. مىسالى، ءبىر ادام بالىقتى ۇناتپاۋى مۇمكىن. سوندىقتان مەديتسينا ماماندارى D دارۋمەنى پرەپاراتتارىن قابىلداۋعا كەڭەس بەرەدى. ءبىراق كەز كەلگەن جاعدايدا، بۇل ماسەلە دارىگەرمەن تالقىلانىپ، شەشىم سىناقتان وتكەننەن كەيىن عانا شىعارىلۋى كەرەك.

D دارۋمەنى نە ىستەيدى:

سۇيەكتەر مەن تىستەردى نىعايتادى؛

اعزاداعى كالتسي مەن فوسفوردىڭ مولشەرىن رەتتەيدى؛

جاسۋشانىڭ ءبولىنۋ پروتسەسىنە اسەر ەتەدى، دەنەگە ىسىكتەردىڭ پايدا بولۋىن بولدىرماۋعا كومەكتەسەدى؛

يممۋندىق جۇيەنى نىعايتادى؛

ينسۋلين ءوندىرىسىن باقىلايدى؛

جۇيكە يمپۋلستارىنىڭ بەرىلۋىن جانە بۇكىل جۇيكە جۇيەسىنىڭ جۇمىسىن جاقسارتادى.

massaget.kz