قازاقستان حالقى اسسامبلەياسى اتىنان سەناتقا 5 دەپۋتات تاعايىندالدى
18:12, 24 - قاڭتار 2023
استانا. قازاقپارات - پارلامەنتى سەناتىنىڭ ءبىرقاتار دەپۋتاتتارى تاعايىندالدى، دەپ حابارلايدى قازاقپارات اقورداعا سىلتەمە جاساپ.
«قازاقستان رەسپۋبليكاسى كونستيتۋتسياسىنىڭ 50-بابىنىڭ 2-تارماعىنا، «قازاقستان حالقى اسسامبلەياسى تۋرالى» قازاقستان رەسپۋبليكاسى زاڭىنىڭ 7-بابى 1-تارماعىنىڭ 3-1-) تارماقشاسىنا سايكەس قاۋلى ەتەمىن:
1. قازاقستان رەسپۋبليكاسى پارلامەنتى سەناتىنىڭ دەپۋتاتتارى بولىپ:
ەۆگەني اندرەيەۆيچ بولگەرت؛
زاكيرجان پيرمۋحامەدوۆيچ كۋزيەۆ؛
نۋريا يسماگيلوۆنا نيازوۆا؛
اليشەر گاپيرجانوۆيچ ساتۆالديەۆ؛
گەننادي گەنناديەۆيچ شيپوۆسكيح تاعايىندالسىن» دەلىنگەن پرەزيدەنت جارلىعىندا.