باقىتتى بولۋعا كەدەرگى كەلتىرەتىن 5 نارسە
كەي ادامدار ونى جان- دۇنيەسىنىڭ جاعدايىمەن انىقتايدى. ءبىراق ءوزىن باقىتسىز سەزىنەتىن ادامدار دا بار. ءوزىڭىزدى باقىتتى سەزىنۋگە نە كەدەرگى كەلتىرەدى؟
1. ءومىرىڭىزدى كەيىنگە قالدىراسىز
ءۇيدى ءوز تالعامىڭىز بويىنشا بەزەندىرگىڭىز كەلەدى، ءبىراق «ءوز ءۇيىم بولعاندا جاسايمىن» دەپ كەيىنگە قالدىراسىز. كوپ اقشا تاپقىڭىز كەلەدى، ءبىراق «ارمانىمداعى جۇمىستى تاپقاندا ءبارى بولادى» دەيسىز. جىلدار وتەدى، ءبىراق ومىرىڭىزدە ەش وزگەرىس بولمايدى. ءسىز وزىڭىزگە ءومىردى قازىر سۇرۋگە تىيىم سالىپ، بەلگىسىز بولاشاققا ىسىرىپ جۇرگەندەيسىز.
سول سەكىلدى كەي ادامدار ءومىردىڭ ناقتى ساتتەرىندە باقىتتى بولامىن دەپ ويلايدى. مىسالى: كۇيەۋگە شىققاننان كەيىن، قانداي دا ءبىر سومانى جيناعان سوڭ، بالا دۇنيەگە كەلگەن سوڭ نەمەسە قالاعا كوشكەن سوڭ. الايدا ولاردىڭ ءبىرى شىنىمەن ورىندالعان كەزدە باقىت سەزىمى بولماۋى دا مۇمكىن.
2. بارىڭىزدى باعالامايسىز
ەسەيگەندە جاس ءوسىپىرىم نەمەسە جاس كەزىمىزدەگى سۋرەتتەردى قاراپ وتقاندا، ونداعى ءوزىمىزدى مۇلدەم باسقاشا قابىلدايمىز. ول كەزدەرى ءوز- وزىڭىگە كوڭىلىڭىز تولماۋى مۇمكىن: شاش ۇلگىڭىز، دەنە ءپىشىنىڭىز نەمەسە باسقا دا نارسەلەر ۇناماعان بولۋى مۇمكىن. الايدا سول سۋرەتتەرگە قاراپ وتىرىپ، سول كەزدە نە جانە نە ءۇشىن ۇناماعانىن ەسىڭىزگە تۇسىرە الماۋىڭىز دا مۇمكىن.
ادام وزىندە بار ماتەريالدىق بولسىن، ماتەريالدىق ەمەس (وتباسى، دوستار، حوببي) بولسىن نارسەلەردى بولۋ كەرەك قاراپايىم نارسە سەكىلدى قابىلدايدى. الايدا بۇلاردىڭ ءارقايسىسى ءوزىڭىزدى باقىتتى سەزىنۋگە ىقپال ەتەتىن نەگىزگى فاكتورلار ەكەنىن ۇمىتپاعان ءجون.
3. ءوزىڭىزدىڭ ەمەس، باسقانىڭ ءومىرىن سۇرگىڭىز كەلەدى
ءقازىر ادامدار الەۋمەتتىك جەلىلەردىڭ جانە ومىرلەرىن كورسەتەتىن اتاقتى بلوگەرلەردىڭ اسەرىنە بەرىلگەن. سول ءۇشىن كوپشىلىكتە وسى ناقتى نارسەلەر، ساپارلار، كەشتەر باقىت سەزىمىن سىيلايدى دەگەن قاتە پىكىر قالىپتاسادى. بۇل نارسەلەرگە دۇرىستاپ ويلانىپ قاراڭىز: ءسىزدى ولار شىنىمەن دە باقىتتى ەتە مە الدە سىزگە باقىت سىيلايتىن باسقا نارسەلەر مە؟
4. قازىرگى ساتتەن ءلاززات الۋدى بىلمەيسىز
جاعىمدى جانە قۋانىشتى ءسات ءار كۇندە بار. ءبىراق ولاردى بارلىق ادام بىردەي بايقاي المايدى. كوپشىلىك ءوز سەزىمدەرىنە ءمان بەرمەيدى جانە قازىرگى ساتكە قۋانا بىلمەيدى. ونى ۇيرەنۋ ءۇشىن ءوز- وزىڭىزبەن جۇمىس جاساۋ كەرەك بولادى. تاپ ءقازىر قانداي سەزىمدەسىز: تاڭعى اسىڭىز ءدامدى شىققان، راديودان جاعىمدى مۋزىكا ويناپ تۇر جانە ت. ب. كۇندە كەشكىسىن كۇنى بويى ورىن العان 5-10 جاعىمدى نارسەنى جازىپ وتىرۋدى ادەتكە اينالدىرىڭىز. وسىلايشا، اينالاڭىزدان جاقسى نارسەلەردى بايقاۋدى ۇيرەنەسىز.
5. قاتەلىكتەردەن قورقاسىز
ادام قاتەلىكتەر جىبەرۋ ارقىلى ءومىر ءسۇرۋدى ۇيرەنەدى. سوندىقتان جاڭا نارسەلەردى جاساپ كورىڭىز، قاتەلەسىڭىز جانە قايتادان العا جىلجىڭىز. سونداي-اق وتكەن قاتەلىكتەر ءۇشىن ءوزىڭىزدى جەگىدەي جەۋدىڭ قاجەتى جوق. قورىتىندى جاساپ، ارى قاراي ءجۇرىپ ۇيرەنىڭىز.
ماسساگەت