جاياۋ بۇرقاسىن، جەل: 5 وڭىردە ەسكەرتۋ جاريالاندى
اتاپ ايتقاندا، تاڭەرتەڭ جانە كۇندىز قىزىلوردا وبلىسىنىڭ ورتالىعىندا جەل سولتۇستىك شىعىستان سوعىپ، كۇشى 15-20 م/س جەتەدى.
تۇندە جانە تاڭەرتەڭ اقمولا وبلىسىنىڭ سولتۇستىگىندە، شىعىسىندا جاياۋ بۇرقاسىن كۇتىلەدى. وڭتۇستىك-باتىستان جەل سوعادى، ءوڭىردىڭ سولتۇستىگى مەن شىعىسىندا ەكپىنى 15-20 م/س ارتادى.
ماڭعىستاۋ وبلىسىندا وڭتۇستىك-شىعىستان جەل سوعادى، ءوڭىردىڭ باتىسى مەن وڭتۇستىگىندە 15-20 م/س قۇرايدى.
سولتۇستىك قازاقستان وبلىسىنىڭ سولتۇستىگىندە، سولتۇستىك-شىعىسىندا جاياۋ بۇرقاسىن بولادى. وڭتۇستىك-باتىستان جەل سوعادى، وبلىستىڭ باتىسىندا ەكپىنى 15-20 م/س جەتەدى.
11-13- جەلتوقساندا تۇركىستان وبلىسىنىڭ وڭتۇستىگىندە، تاۋلى اۋداندارىندا تۇمان تۇسەدى. تاۋ اسۋلارىندا جاياۋ بۇرقاسىن بولجانادى. سولتۇستىك-شىعىستان جەل سوعادى، وبلىستىڭ سولتۇستىگىندە، تاۋلى اۋداندارىندا كۇشى 15-20 م/س قۇرايدى.