بۇل تۋرالى قاراعاندى وبلىسىنىڭ اكىمى جەڭىس قاسىمبەك وڭىرلىك كوممۋنيكاتسيالار قىزمەتىندە ءوتىپ جاتقان بريفينگىدە ايتتى، دەپ حابارلايدى قازاقپارات ءتىلشىسى.
«قايتىس بولعان كەنشىلەردىڭ وتباسىمەن ءتيىستى مەديتسينالىق جانە وزگە دە مەكەمەلەردىڭ پيسحولوگتارى جۇمىس ىستەپ جاتىر. اكىمدىك تاراپىنان ول وتباسىلارعا قاجەتتى كومەكتىڭ ءبارى كورسەتىلەدى. ودان بولەك، ۇجىمدىق ەڭبەك شارتىنا سايكەس، بۇل وتباسىلارعا شاحتەرلەردىڭ 10 جىلدىق ەڭبەكاقىسى كولەمىندە ماتەريالدىق كومەك كورسەتىلەدى»، - دەدى جەڭىس قاسىمبەك.
ايتۋىنشا ۇجىمدىق شارتتا بۇدان باسقا دا وتەماقىلار قاراستىرىلعان.
«سونداي-اق، ۇجىمدىق شارت بويىنشا ول وتباسىلارعا نەسيەسىن جابۋ، بالالارىن وقىتۋ سەكىلدى كومەك كورسەتىلەدى. سونىمەن بىرگە بيىلدان باستاپ ۇجىمدىق شارتتا زارداپ شەككەندەردىڭ وتباسىلارىنا قوسىمشا باسپانا الىپ بەرۋ شاراسى ەنگىزىلگەن. ءاربىر وتباسىعا قوسىمشا پاتەر الىنادى»، - دەدى وبلىس اكىمى.
ەستەرىڭىزگە سالا كەتەيىك، بۇگىن تۇندە «ارسەلورميتتال تەمىرتاۋ» ا ق كومىر دەپارتامەنتىنىڭ لەنين اتىنداعى شاحتاسىندا اپات بولىپ، سالدارىنان 5 كەنشى قازا تاپتى.
ت ج فاكتىسى بويىنشا ق ر ق ك 277-بابىنىڭ 3-بولىگى بويىنشا قىلمىستىق ءىس قوزعالدى.
قاراعاندى وبلىسىنىڭ اكىمدىگى لەنين اتىنداعى شاحتادا قازا بولعانداردىڭ ءتىزىمىن جاريالادى.