جاپونيا حالقىنىڭ ۇزاق ءومىر ءسۇرۋ قۇپياسى نەدە: 5 قاراپايىم ەرەجە

نۇر- سۇلتان. قازاقپارات - جاپونيا باسقا ەلدەر اراسىندا ءومىر ءسۇرۋ ۇزاقتىعى بويىنشا ءبىرىنشى ورىندا. بۇل ەل عاسىر جاساعان تۇرعىندارىمەن تانىمال.

سونىمەن قاتار جاپوندىقتار قۇرمەتتى جاسقا جەتىپ قانا قويمايدى، جارقىن جانە باقىتتى ءومىر ءسۇرۋ ءۇشىن تومەندەگى 5 قاراپايىم ەرەجەنى ۇستانادى.

جاپوندىقتار از مولشەردە تاماقتانادى

جاپونيا تۇرعىندارى تاعام ۇلەسى نەعۇرلىم از بولسا، سوعۇرلىم باياۋ جەلىنەدى دەپ ەسەپتەيدى. سونىمەن قاتار ءار تاماقتى بولەك تاباقشالارعا سالادى. بۇل استىڭ دۇرىس قورىتىلۋىن قامتاماسىز ەتپەك. جانە دە ادام تاعامنىڭ شامامەن 80 پايىزىن جەگەنىن سەزگەن كەزدە تاماقتانۋدى اياقتاۋ كەرەك دەپ سانايدى. بۇل سالماقتى دۇرىس ۇستاۋعا كومەكتەسەدى.

بۋ مونشاسى مەن ساۋنانى بىرىكتىرەدى

جاپونيادا تانىمال بۋ مونشاسى گيگيەنالىق تۇرعىدان عانا ەمەس، دەمالۋعا مۇمكىندىك رەتىندە دە قاجەت. بۇل دەنساۋلىق ءۇشىن وتە پايدالى، اسىرەسە اعزاداعى زياندى زاتتاردى تەرى ارقىلى شىعارۋعا، قان اينالىمىن جاقسارتۋعا، بۇلشىق ەتتىڭ قۇرىسۋىن بولدىرمايدى جانە يممۋندىق جۇيەنى نىعايتادى.

تۇز بەن مايدى از پايدالانادى

جاپوندىقتاردىڭ وزدەرى ءۇشىن ناگانو ايماعى ۇلگى بولىپ تابىلادى. بۇل جەر باسقا ايماقتاردىڭ ىشىندەگى حالقى ەڭ ساۋ اۋماق بولىپ سانالادى. قارت ادامدار وتە كوپ، ورتاشا ءومىر ءسۇرۋ ۇزاقتىعى 80-87 جاس ارالىعىندا. نەگىزى بۇرىن ناگانو تۇرعىندارى تۇزدى وتە كوپ تۇتىناتىن - كۇنىنە شامامەن 15 گرام. بۇل ادەت ولاردىڭ دەنساۋلىعىنا زيانىن تيگىزگەن. ولار مامانداردىڭ ۇسىنىستارىن تىڭداپ، جاعداي بىرتىندەپ جاقسارا تۇسكەن. قازىر ناگانودا تۇراتىندار كۇنىنە 0,9 گرامنان اسپايتىن تۇزدى جانە ءبىر شاي قاسىق وسىمدىك مايىن تۇتىنادى.

توفۋدى ءجيى پايدالانادى

توفۋ - ءداستۇرلى جاپون ديەتاسىنىڭ ماڭىزدى بولىگى. بىرەگەي سويا ىرىمشىگى جوعارى قانىقتىرۋ عانا ەمەس جانە ۆەگەتارياندىقتار ءۇشىن جانۋار اقۋىزىنا بالاما بولىپ تابىلادى. ول پايدالى ماي قىشقىلدارىنا جانە ماڭىزدى ۆيتاميندەر مەن مينەرالدارعا باي.

توفۋدى ۇنەمى تۇتىنۋ قاتەرلى ىسىك پەن جۇرەك- قان تامىرلارى اۋرۋلارىنىڭ قاۋپىن ازايتۋعا كومەكتەسەدى، سونىمەن قاتار سالماق جوعالتۋعا ىقپال ەتەدى.

ولار فيزيكالىق بەلسەندىلىكتى جاقسى كورەدى

جاپونيا تۇرعىندارى كەز كەلگەن جاستا جوعارى فيزيكالىق بەلسەندىلىكتى ساقتاۋعا تىرىسادى. ولار كوپ جۇرەدى، ۇزاق سەرۋەندەر جاپونيا حالقى ءۇشىن سپورت قانا ەمەس، سونىمەن قاتار كۇندەلىكتى قالىپتى جاعداي.

اقپارات كوزى: joinfo.com