الەم حالقىنىڭ ءتۇرلى مادەنيەتىندە بۇرىننان تۇستەردىڭ ماعىنالارى جايلى ايتىلادى، ال كەيىن ول عىلىمي راستالىپ، ءتىپتى مەديتسينادا قولدانىلاتىن بولدى. ەندەشە، فيزيكالىق جانە پسيحيكالىق دەنساۋلىققا پايدالى 5 رەڭكتى ۇسىنامىز.
قىزىل
قىزىل — ومىرلىك كۇشتەردى وياتاتىن جانە ەنەرگيانى ىنتالاندىراتىن جالىندى ءارى جىلى ءتۇس. ول ادرەناليندى ارتتىرادى جانە قان قىسىمىن جوعارىلاتادى. سوندىقتان گيپەرتونيامەن (جوعارى قان قىسىمى) قينالساڭىز، ينتەرەردە جانە كيىمدە قىزىل تۇستەن اۋلاق بولىڭىز. سونداي- اق قىزىل ءتۇس دەپرەسسيانى جەڭىلدەتەدى. ول — جالپى ومىرگە قابىلەتتىلىكتى ارتتىراتىن ەڭ جاقسى ەمدىك تۇستەردىڭ ءبىرى. فەن- شۋيدا قىزىل ءتۇس وتپەن، سىرتقى ەكسپانسيامەن (كەڭەيۋ، دامۋ) ، ادامدار مەن پروتسەستەردىڭ بىرىگۋىمەن، بيلىكپەن جانە دانىشپاندىقپەن بايلانىستىرىلادى.
قىزعىلت سارى
تۇستەرمەن ەمدەۋ تەورياسى بويىنشا، قىزعىلت سارى — اۋرۋحانالار مەن بالالار بولمەسى ءۇشىن ەڭ جاقسى ءتۇس. قىزعىلت سارى جىلۋ تاراتادى جانە قۋانىشپەن، باقىتپەن بايلانىستىرىلادى. ول كوڭىل كۇيدى كوتەرەدى جانە جاعىمدى ويلار شاقىرادى.
سارى
بۇل اشىق ءارى جارقىن ءتۇس اقىل- پاراساتتى ىنتالاندىرادى جانە دەنە مەن سانانىڭ جاعىمسىز ويلاردان تازارۋىنا ىقپال ەتەدى. سارى ءتۇستى، اسىرەسە، تەرى پروبلەمالارى بار ادامدارعا ۇسىنادى. سونداي- اق بۇل ءتۇس ادامنىڭ شىعارماشىلىق شابىتىن وياتا الادى. الايدا سارى ءتۇستىڭ وتە كوپ بولماعانى دا دۇرىس، سەبەبى ول اس قورىتۋ جۇيەسىنىڭ جۇمىسىن ناشارلاتۋى جانە ۇيقىسىزدىققا اكەلۋى مۇمكىن.
جاسىل
جاسىل ءتۇس ءوزىنىڭ تەڭدەستىرىلگەن ەمدىك قاسيەتتەرىمەن بەلگىلى. بۇل جايلى ءتۇستى وسۋمەن جانە جاڭارۋمەن بايلانىستىرادى. سونداي- اق ول جايلىلىق پەن تەپە- تەڭدىكتىڭ بولۋىنا ىقپال ەتەدى. جاسىل ءتۇس جۇرەككە، وكپەگە جانە قان تامىرلار جۇيەسىنە پايدالى.
كوك
كوك قان قىسىمى مەن جيىلەنگەن جۇرەك سوعىسىن تۇسىرۋگە كومەكتەسەدى. بۇل ءتۇس شىنىمەن دە سانا مەن دەنەنى بوساڭسىتادى. كوك پەن كوگىلدىر — العىرلىق ءتۇسى، ال فەن- شۋيدە ول — اۋا ستيحياسىنىڭ ءتۇسى. يدەاليزم، ينتۋيتسيا، سەنىم — بۇلار كوك ءتۇستىڭ اسەرلەرى.