قازاقستان اۋماعىندا جول ەرەجەسىن بۇزعان، ۋاقىتشا تىركەۋى جانە ساقتاندىرۋ مىندەتتەمەسى جوق شەت مەملەكەتتەردىڭ نومىرىمەن جۇرگەن 92 اۆتوكولىكتى تىركەگەن. ولاردىڭ ايىپپۇلىنىڭ جالپى سوماسى 42 ميلليون 442 مىڭ 350 تەڭگەگە جەتكەن.
«مىسالى، رەسەي فەدەراتسياسىنىڭ ۆاز-2114 ماركالى اۆتوكولىگىنىڭ قاتىسۋىمەن جالپى سوماسى 5 ميلليون 817 مىڭ تەڭگەگە 184 اكىمشىلىك قۇقىق بۇزۋشىلىق جاسالدى. پلاد ءا پ ب اكىمشىلىك تاجىريبە ءبولىمىنىڭ قىزمەتكەرلەرى اتالعان كولىكتى ۇستاپ، قاسكەلەڭ قالاسىنىڭ ارنايى اۆتوتۇراعىنا قويدى. انىقتالعان اۆتوكولىكتىڭ جۇرگىزۋشىسى ق ر ا ق ب ت ك 590-بابىنىڭ 2-بولىگى (كولىك قۇرالىن پايدالانۋ ەرەجەلەرىن بۇزۋ) بويىنشا اكىمشىلىك جاۋاپكەرشىلىككە تارتىلدى»، - دەپ اتاپ ءوتتى الماتى وبلىستىق پوليتسيا دەپارتامەنتى اكىمشىلىك پوليتسيا باسقارماسى اكىمشىلىك ءىس- تاجىريبە ءبولىمىنىڭ باستىعى سايات يبرايموۆ.
ۇستالعان بۇكىل كولىكتەرگە جالپى سوماسى 10 ميلليون تەڭگەدەن استام ايىپپۇل تۇرىندەگى اكىمشىلىك جازا قولدانىلدى. بەلگىلەنگەن تارتىپتە تىركەلمەگەن كولىكتەرگە ق ر ا ق ب ت ك 590-بابىنىڭ 2-بولىگى بويىنشا قولدانىستاعى اكىمشىلىك زاڭناماعا سايكەس اكىمشىلىك شارالار قولدانىلادى.
اۆتور: سامال قابىشيەۆا