CDC ديرەكتورى روشەل ۆالەنسكي امەريكالىق رەتتەۋشىلەر دارىلىك قۇرالداردى مۇقيات قاراستىرعاننان كەيىن وسىنداي شەشىم قابىلداپتى.
«ميلليونداعان اتا-انا بالالارىنا ەكپە سالۋعا تىرىسىپ جاتىر، وسىنىڭ ارقاسىندا 28 ميلليونداي بالاعا COVID-19-عا قارسى ۆاكسينا الۋعا كەڭەس بەرەمىز»، - دەلىنگەن ۆالەنسكيدىڭ مالىمدەمەسىندە.
ول بالالارعا ادەتتە ەكپە سالىناتىن اۋرۋلارعا قاراعاندا COVID قاۋىپتىرەك ەكەنىن قوسا ايتتى.
«ا ق ش- تا ءۇندىنىڭ «دەلتا« شتامى تۋعىزعان تاياۋداعى تولقىننان پەدياترياعا تۇسكەن ناۋقاستار سانىن كۇرت ارتتىردى، بۇل اۋرۋدىڭ دا بالالارىمىزعا ءقاۋپى جوعارى»، - دەيدى ۆالەنسكي.
باسىلىم مالىمەتىنشە، ورتالىق كوميسسياسىنىڭ مۇشەلەرى بالالارعا وسى پرەپاراتتىڭ ەكى دوزاسىن سالۋعا كەڭەس بەرۋگە ءبىراۋىزدان داۋىس بەرىپ وتىر. بۇل جاستاعى بالالارعا ۆاكسينانىڭ ءبىر دوزاسى ەرەسەك ادامعا سالىناتىن ەكپەنىڭ ۇشتەن ءبىر بولىگىمەن بىردەي. دوزالار ءۇش اپتا ينتەرۆالعا بولىنەدى.
مۇنىڭ الدىندا ا ق ش-تا جاسوسپىرىمدەرگە كوروناۆيرۋسقا قارسى Pfizer جانە BioNTech وندىرىسىندەگى ەكپەنى سالۋ ماقۇلدانعان بولاتىن.