دجونس حوپكينس ۋنيۆەرسيتەتىنىڭ مالىمەتىنشە، دۇيسەنبى تاڭىنداعى جاعدايعا سايكەس، الەمدە كوروناۆيرۋستان قايتىس بولعان ادامدار سانى 5 ميلليون ادامنان اسىپ جىعىلعان. تىركەلگەن ءولىم جاعدايلارىنىڭ جارتىسىنا جۋىعى تابىسى ورتاشادان جوعارى نەمەسە جوعارى، عالامشار تۇرعىندارىنىڭ سەگىزدەن ءبىر بولىگى تۇرىپ جاتقان ەلدەر ۇلەسىندە (ا ق ش، ەو ەلدەرى، برازيليا).
ا ق ش-تىڭ ءبىر وزىندە قاۋىپتى ۆيرۋستان 740 مىڭنان استام ادام قايتىس بولعان. ساراپشىلار كوروناۆيرۋس 1950 -جىلدان بەرى بولىپ جاتقان بارلىق الەمدىك جانجالدارمەن بىردەي ادام ءومىرىن قيىپ اكەتتى، ادام ءولىمىنىڭ جۇرەك-قانتامىر اۋرۋلارى مەن ينسۋلتتان كەيىنگى ءۇشىنشى باستى سەبەبىنە اينالدى دەپ سانايدى.
بۇل رەتتە عالىمدار 5 ميلليون - ناقتى ساننان الدەقايدا تومەن ەكەنىنە سەنىمدى، سەبەبى ىندەتتەن قايتىس بولعانداردىڭ بارلىعى بىردەي كوروناۆيرۋسقا تەست تاپسىرعان جوق. ال مەديتسينالىق كومەكسىز ۇيىندە كوز جۇمعاندار سول كۇيىندە تىركەلمەي قالعان.
پاندەميا باستالعالى 22 ايدىڭ ىشىندە اۋرۋعا شالدىعۋ وشاقتارى دا اۋىسىپ وتىرعان. قازىرگى كەزدە ۆيرۋس اسىرەسە، ۆاكسينالاۋعا قارسى تەرىس اقپارات تاراپ، حالقى بيلىك كوزدەرىنە سەنىمسىزدىك تانىتقان رەسەي، ۋكراينا جانە شىعىس ەۋروپانىڭ باسقا ەلدەرىندە تەز تارالىپ جاتىر.
اۆتور: زارينا تۋعانبايەۆا