ازيا چەمپيوناتى: قازاقستاندىق بوكسشىلار 5 «كۇمىس» الدى
07:46, 01 - ماۋسىم 2021
نۇر- سۇلتان. قازاقپارات - بوكستان بىرىككەن اراب امىرلىگىنىڭ دۋباي قالاسىندا وتكەن ازيا بىرىنشىلىگىندە قازاقستان ەرلەر قۇراماسى بەس كۇمىس مەدال الدى، دەپ حابارلايدى قازاقپارات ءتىلشىسى.
اتالعان جارىستا قازاقستاندىق دانيال ءسابيت (49 كەلى) وزبەكستاندىق نوديرجون ميرزاحمەدوۆكە جول بەرسە، ودان كەيىن ابىلايحان ءجۇسىپوۆ (69 كەلى) سول ەلدەن كەلگەن بوبو- ۋسمون باتۋروۆقا ەسە جىبەردى.
ال ءابىلحان امانقۇل (75 كەلى) دا سول ەلدىڭ وكىلى سايدجامشيت جافاروۆكە ەسە جىبەرسە، تورەشىلەو ۆاسيلي ليەۆيتتى (91 كەلى) ءۇندىستاندىق سانجيتتەن جەڭىلدى دەپ ۇيعارىم جاسادى.
قازاقستان ۇلتتىق قۇراماسىنىڭ كاپيتانى قامشىبەك قوڭقابايەۆ (91 كەلىدەن جوعارى) باحودير جالولوۆتەن جەڭىلىپ قالدى.
وسىلايشا ەلىمىزدىڭ ەرلەر قۇراماسى بەس كۇمىس الدى.
ەسكە سالساق، 30 - مامىردا قازاقستان قىزدار قۇراماسى ازيا بىرىنشىلىگىندە 8 التىن، 1 كۇمىس، 1 قولا الىپ، جالپى كوماندالىق ەسەپتە ءبىرىنشى ورىن الدى.