بۇگىنگى كۇنى سينتەتيكالىق ەسىرتكىلەر مەن ولاردى شىعارۋعا ارنالعان زەرتحانالار عالامدىق ماسەلەلەردىڭ ءبىرى. جىل باسىنان بەرى قابىلدانعان شارالاردىڭ ناتيجەسىندە الماتى پوليتسياسى سينتەتيكالىق ەسىرتكى شىعاراتىن بەس زەرتحانانى جويدى.
«ەسىرتكى زەرتحانالارى كۋرەرلىك قىزمەت ءتۇرىن كەڭىنەن قولدانادى. سينتەتيكالىق ەسىرتكىلەر، سونداي- اق، زەرتحاناعا ارنالعان ءتۇرلى رەاكتيۆتەر مەن كومپونەنتتەر ءبىزدىڭ مەملەكەتىمىزدىڭ اۋماعىنا ءار ءتۇرلى ەلدەردەن كولىك- لوگيستيكالىق كومپانيالارمەن كەلەدى، ولاردىڭ ىشىندە 1500 دەن استام ۇيىم تەك قالادا تىركەلگەن. بيىل ءبىز سينتەتيكالىق ەسىرتكىنى رەسەي فەدەراتسياسىنان كۋرەرلىك قىزمەتتەر ارقىلى تاسىمالداۋدىڭ توعىز جاعدايىن انىقتادىق. وسىلايشا، الماتى ماڭىندا ەكى جاس جىگىت ەسىرتكى زەرتحاناسىن ۇيىمداستىردى جانە ر ف لوگيستيكالىق كومپانياسى ارقىلى سينتەتيكالىق ەسىرتكى ءوندىرىسىنىڭ ءتۇرلى كومپونەنتتەرىن الدى. ءتىنتۋ كەزىندە شامامەن 80 كەلى ءارتۇرلى قىشقىلدار، سونىمەن قاتار، جالپى سالماعى 25 كەلى ساتۋعا دايىن «جىلدامدىق» زاتى تاركىلەندى. بۇل ءونىمنىڭ باعاسى 350 ميلليون تەڭگەنى قۇرايتىن ەدى، - دەدى الماتى قالالىق پ د ەسىرتكى قىلمىستارىمەن كۇرەس باسقارماسىنىڭ باستىعى ەرلان الماعامبەتوۆ. سونىمەن قاتار، سپيكەر ەسىرتكى بيزنەسىمەن بايلانىستى قىلمىستاردىڭ جاڭا فورماتتارعا يە بولعاندىعىن تىلگە تيەك ەتتى.
«سينتەتيكالىق ەسىرتكىنى بايلانىسسىز ءادىس، ينتەرنەت ارقىلى ەلەكتروندى تولەمدەرمەن تاراتۋ تەندەنتسياسى بايقالادى. قىلمىستىڭ بۇل ءتۇرىن، ادەتتە، ءبىر ادام ەمەس ءبىر توپ جاسايدى، ءار قاتىسۋشىنىڭ رولدەرى ايقىن. جىل باسىنان بەرى قالادا ۇيىمداسقان قىلمىستىق توپتى قۇرۋ مەن ۇيىمداستىرۋدىڭ ەكى فاكتىسى انىقتالدى، «كيۆي- ءاميانداردى» قولدانىپ، «گاشيش» ەسىرتكىسىن بايلانىسسىز ساتۋمەن جانە تاراتۋمەن اينالىسقان جەتى ادام قاماۋعا الىندى. قازىرگى ۋاقىتتا كۇدىكتىلەرگە قاتىستى سوت پروتسەسى ءجۇرىپ جاتىر. سونىمەن قاتار، وسى جىلدىڭ 11 ايىندا ەسىرتكىنى تاراتاتىن جانە جارنامالايتىن 207 ينتەرنەت- سايت انىقتالعانىن ايتا كەتكەن ءجون. ولار بۇعاتتالدى»، - دەپ تۇيىندەدى الماعامبەتوۆ.