قازاقستاندىق 5 بوكسشى دۇنيەجۇزىلىك بوكس ۇيىمىنىڭ جاڭارتىلعان رەيتينگىنە ەندى
19:01, 10 - جەلتوقسان 2020
نۇر- سۇلتان. قازاقپارات - دۇنيەجۇزىلىك بوكس ۇيىمى (WBO) بارلىق سالماق ساناتى بويىنشا قاراشا ايىنىڭ جاڭارتىلعان رەيتينگىن جاريالادى، دەپ حابارلايدى قازاقپارات.
جاڭارتىلعان رەيتينگكە 5 قازاقستاندىق بوكسشى كىردى. سۋپەر ورتا سالماقتا WBO Global تيتۋلىنىڭ يەگەرى ايدوس ەربوسىن ۇلى ەكى ساتىعا جوعارىلاپ، ءتورتىنشى ورىننان كورىندى.
وسى سالماقتا ونەر كورسەتەتىن تاعى ءبىر وتانداسىمىز ءالي احمەتوۆ 15-ورىنعا جايعاستى. ورتا سالماقتا WBO Global تيتۋلىنىڭ يەگەرى جانىبەك ءالىمحان ۇلى (3- ورىن) جانە WBO International تيتۋىلىنىڭ يەگەرى قانات يسلام (4 - ورىن) رەيتينگتەگى ورىنىن ساقتاپ قالدى. ءبىرىنشى ورتا سالماقتا WBO Asia-Pacific Youth تيتۋلىنىڭ يەگەرى نۇربول سۇلتانباي 16-ورىننان كورىندى.
اۆتور: مۇحتار قاليموللا ۇلى