اتاۋلى كۇندەر
قازاقستاندا سىرتقى بارلاۋ قىزمەتى كۇنى
1993-جىلعى 15- قازاندا مەملەكەت باسشىسى «قازاقستان رەسپۋبليكاسىنىڭ ۇلتتىق قاۋىپسىزدىك قىزمەتى مەن قورعانىس مينيسترلىگىنىڭ بارلاۋ بولىمشەلەرى تۋرالى» جارلىققا قول قويدى.
تاۋەلسىز قازاقستاننىڭ سىرتقى بارلاۋ ورگاندارىنىڭ تاريحى وسى كۇننەن باستالادى. دەگەنمەن قازاقستاننىڭ قازىرگى سىرتقى بارلاۋ قىزمەتى 5- قاراشادان باستالادى.
ويتكەنى 1997-جىلعى 5 -قاراشادا شىققان قازاقستان رەسپۋبليكاسىنىڭ پرەزيدەنتىنىڭ جارلىعىنا سايكەس، «بارلاۋ» قىزمەتى قۇرىلدى.
بۇگىنگى تاڭدا ول - قازاقستان رەسپۋبليكاسىنىڭ «سىربار» سىرتقى بارلاۋ قىزمەتى.
دۇنيەجۇزىلىك سۋنامي ماسەلەسى تۋرالى اقپارات تاراتۋ كۇنى
2015-جىلدىڭ جەلتوقسانىندا جاپونيا وكىلدەرىنىڭ باستاماسى بويىنشا ب ۇ ۇ باس اسسامبلەياسىنىڭ (A / RES / 70/203) رەزوليۋتسياسىمەن بەكىتىلدى. بۇل داتا جاپون دەلەگاتسياسىنىڭ باستاماسىمەن تاڭداپ الىندى.
بۇل تاڭداۋ 1854-جىلدىڭ 5- قاراشاسىندا ءوز اۋىلىنىڭ تۇرعىندارىن قۇتقارۋ ءۇشىن مەنشىگىن قۇربان ەتكەن شارۋا تۋرالى «ينامۋرا-نۋ-حي» اڭگىمەسىمەن بايلانىستى. ول اۋىل تۇرعىندارىنا قاۋىپ تۋرالى ەسكەرتۋ ءۇشىن ءوز ەگىسىن جاققان. سونىڭ ارقاسىندا تۇرعىندار امان قالعان.
ول سۋناميدەن كەيىن اۋىلدى قالپىنا كەلتىرۋگە بەلسەندى قاتىستى.
حالىقارالىق ۆولونتەر مەنەدجەرلەر كۇنى
بۇل مەرەكە امەريكالىق نانۋ حاۋتروۋننىڭ ارقاسىندا پايدا بولعان. ول ۇزاق ۋاقىت بويى كاسىبي دەڭگەيدە ەرىكتىلەر مەنەدجمەنتىمەن اينالىسقان.
العاش رەت مەرەكە 1999-جىلى 5- جەلتوقساندا اتالىپ ءوتتى. ءبىراق، ۋاقىت وتە كەلە بۇل مەرەكە كەڭىنەن تارالىپ، داتا 5- قاراشاعا اۋىستىرىلدى. قازىرگى تاڭدا ونى الەمنىڭ 18 مەملەكەتى اتاپ وتەدى.
ەستە قالار وقيعالار
1948-جىلى قازاقستاننىڭ سولتۇستىگىندە ماشينا جاساۋ كاسىپورنىنىڭ قۇرىلىسى تۋرالى شەشىم قابىلداندى.
1960 -جىلدىڭ قىركۇيەگىندە العاشقى وندىرىستىك كورپۋس پايدالانۋعا بەرىلدى. وندا ا پ پ-125 استىق تيەگىشتەرىنىڭ العاشقى زاۋىتتىق ءونىمى دايىندالدى. استىق تيەگىشتەر 1961-جىلدىڭ 30- ناۋرىزىندا دايىندالدى. پەتروپاۆل كۇردەلى ماشينا جاساۋ زاۋىتىنىڭ قىزمەتى باستالدى.
1993 -جىلى مەملەكەت باسشىسى نۇرسۇلتان نازاربايەۆتىڭ «شەت ەلدەردە كادرلار دايارلاۋ ءۇشىن قازاقستان رەسپۋبليكاسى پرەزيدەنتىنىڭ حالىقارالىق «بولاشاق» ستيپەندياسىن بەلگىلەۋ تۋرالى» 1394№ قاۋلىسى شىقتى.
1999 -جىلى كوكشەتاۋ قالاسىندا ابىلاي حان ەسكەرتكىشى ورناتىلدى.
2004 -جىلى قىزىلورداداعى كوشەنىڭ بىرىنە ساعىمباي رىسبايەۆتىڭ ەسىمى بەرىلدى. ول وتكەن عاسىردىڭ 30-جىلدارى قالا باسشىسىنىڭ قىزمەتىن اتقارعان. ماڭايداعى اۋىلداردىڭ بىرىندەگى قويمادا ساقتالعان 5-6 توننا تارىنى اشتىقتان قينالعاندارعا ءبولىپ بەرگەنى ءۇشىن قۋعىن-سۇرگىنگە ۇشىراعان. ساعىمباي رىسبايەۆ ساكەن سەيفۋللينمەن جانە بەيىمبەت مايلينمەن تىعىز دوستىق قارىم-قاتىناستا بولعان.
2009 -جىلى قازاقستاندا بيومەتريالىق ءتولقۇجاتتار بەرىلە باستادى. جاڭا ءتولقۇجاتتىڭ سوڭعى پاراقشاسىندا ەلەكتروندى چيپ بار. وندا تەگى، اتى، اكەسىنىڭ اتى، جىنىسى، تۋعان كۇنى مەن جەرى، ازاماتتىعى، ءتولقۇجات ءنومىرى، قۇجاتتىڭ بەرىلگەن كۇنى جانە جارامدىلىق ۋاقىتى، جەكە يدەنتيفيكاتسيالىق ءنومىر، فوتو مەن قۇجات يەسىنىڭ قولتاڭباسى بار. ەلەكتروندىق بيومەتريالىق قۇجات قازاقستاننان وزگە الەمنىڭ 17 ەلىندە بار.
2013 -جىلى جاس پيانيستەر بايقاۋىنىڭ فيناليسى ءسانجارالى كوپبايەۆ ەلىمىزدىڭ الەۋەتتى كوشباسشىلارى - زياتكەرلىك، جالپى ءبىلىم بەرۋ، عىلىمي، مۋزىكالىق، سپورتتىق جارىستارداعى رەسپۋبليكالىق جانە حالىقارالىق ماڭىزى بار وليمپيادالاردىڭ جەڭىمپازدارى تىركەلەتىن «ۇلت بولاشاعى» قازاقستاننىڭ VIP- ليستينگىنە ەندى. ءسانجارالى كوپبايەۆ - قازاقستاننىڭ «Astana Piano Passion» ءبىرىنشى حالىقارالىق جاس پيانيستەر بايقاۋىنىڭ جالعىز فيناليسى. توعىز جاسىندا قازىلار القاسى مەن بايقاۋ قوناقتارىن جاندى ويىنىمەن جانە رياسىزدىعىمەن باۋراپ الدى.
2013-جىلى ق ر ۇلتتىق بانكى «قازاقستاننىڭ قالالارى» سەرياسىنىڭ «قوستاناي»، «تالدىقورعان»، «تاراز» ەسكەرتكىش مونەتالارىن اينالىمعا شىعاردى. نومينالى - 50 تەڭگە. مونەتالار نەيزيلبەر قوسپاسىنان سوعىلعان، ديامەترى - 23 م م، ماسساسى - 4,71 گرام، ءار مونەتانىڭ تارالىمى - 50 مىڭ دانا.
2014 -جىلى الماتىدا قازاقستاننىڭ حالىق جازۋشىسى، 40 تان استام كىتاپتىڭ اۆتورى، قازاق ادەبيەتىنىڭ كلاسسيگى ءازىلحان نۇرشايىقوۆتىڭ قۇرمانعازى كوشەسىندەگى 27 جىل تۇرعان ۇيىنە جازۋشىنىڭ ەسكەرتكىش تاقتاسى ورناتىلدى.
2016-جىلى الەمگە ايگىلى كورەي ءپيانيسى پەك كون ۋ قازاقستاندا العاش رەت ونەر كورسەتتى. 70 جاستاعى سوليست ديريجەر قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆتىڭ جەتەكشىلىگىمەن Astana Opera ۇلتتىق وپەرا جانە بالەت تەاترىنىڭ ساحناسىندا وسى تەاتردىڭ سيمفونيالىق وركەسترىمەن كونسەرت بەردى. باعدارلامادا ليۋدۆيگ ۆان بەتحوۆەن مەن سەرگەي راحمانينوۆتىڭ شىعارمالارى ورىندالدى.
2018 -جىلى Astana Hub IT - ستارتاپتار حالىقارالىق تەحنوپاركى ىسكە قوسىلدى. ول قازاقستان رەسپۋبليكاسىنىڭ تەحنولوگيالىق دامۋ تاريحىنىڭ جاڭا بەتى بولدى.
2019 -جىلى الماتىدا قازاقتىڭ ۇلى جازۋشىسى بەيىمبەت ءمايليننىڭ 125 جىلدىعىنا ارنالعان سپەكتاكل ءوتتى.
ءىلياس وماروۆ اتىنداعى قوستاناي وبلىستىق قازاق دراما تەاترىنىڭ اكتەرلەرى كورەرمەندەرگە بەلگىلى جازۋشىنىڭ بالالىق شاعى، جاستىق شاعى مەن ءومىرىنىڭ سوڭعى جىلدارىن كورسەتە ءبىلدى.
جازۋشىنىڭ باستى ءرولىن نۇرلان بايشين سومدادى. سپەكتاكل مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا قويىلدى. بەيىمبەت ءمايليننىڭ نەمەرەسى دامەن سەيتجانوۆا اكتەرلەرگە قويىلىم ءۇشىن، ال كورەرمەندەرگە قولداۋ كورسەتكەنى ءۇشىن العىس ءبىلدىردى.