الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 26-تامىز كۇنى ساعات 19:00-دە تالعار اۋداندىق ىشكى ىستەر بولىمىنە تۇزدىباستاۋ اۋىلىنىڭ 31 جاستاعى تۇرعىنى ارىزدانعان. ول تەرەزەنى سىعىمداپ اشۋ ارقىلى قۇنى 5 ميلليون تەڭگەگە باعالانعان زەرگەرلىك بۇيىمدارى ۇرلانعانىن جەتكىزگەن. اتالعان فاكتى ق ر ق ك-سى 188-بابىنىڭ 3-بولىگى بويىنشا تىركەلىپ، پوليتسەيلەر وقيعا ورنىنا شىقتى.
«ءبىرىنشى كۇمان كورشى ۇيدە جوندەۋ جۇمىستارىن جۇرگىزگەن وزبەكستان ازاماتتارىنا ءتۇستى. بۇل ادامدار قىلمىس جاساعاننان كەيىن بىردەن جاسىرىنعان. جەدەل ىزدەستىرۋ ءىس-شارالارى بارىسىندا الماتى قالاسىنداعى لومباردتاردىڭ بىرىنەن ۇرلانعان زاتتاردىڭ باسىم بولىگى تابىلدى. زەرگەرلىك بۇيىمداردى تاپسىرۋشىلاردىڭ كەلبەتى ىزدەستىرىلىپ جاتقان گاستاربايتەرلەردىڭ بەلگىلەرىمەن سايكەس كەلدى»، - دەدى تالعار ا ءى ءى ب باستىعىنىڭ ورىنباسارى اندرەي بۋريانسكي.
ءتارتىپ ساقشىلارىنىڭ سۋرەتتەۋلەرى بويىنشا ىزدەستىرۋ ناتيجەسىندە الماتى قالاسىنىڭ جاسىل بازار اۋدانىندا 2 كۇدىكتى ۇستالىپ، كەيىن قىلمىستارىن مويىنداعان. ۇرلانعان زەرگەرلىك بۇيىمداردىڭ كوپ بولىگى زاڭدى يەسىنە قايتارىلدى. كۇدىكتىلەر ۋاقىتشا ۇستاۋ يزولياتورىنا قامالدى. قالعاندارىنا قاتىستى ىزدەۋ جالعاسۋدا.
اۆتور: سامال قابىشەۆا