مۇنداي جاعدايدى قارجىلىق الاياقتار پايدالانۋى مۇمكىن. بۇل تۋرالى قازاقپارات ق ر قارجى نارىعىن رەتتەۋ جانە دامىتۋ اگەنتتىگىنە باسپا ءسوز قىزمەتىنە سىلتەمە جاساپ حابارلايدى.
اگەنتتىكتىڭ حابارلاۋىنشا، الاياقتار بانكتەر مەن كومپانيالاردىڭ قاشىقتىقتان جۇمىس ىستەۋىن پايدالانىپ، حالىقتان قاراجاتتى تارتىپ الۋعا باعىتتالعان ءتۇرلى الاياقتىق ارەكەتتەردى ازىرلەپ، ىسكە اسىرۋى مۇمكىن.
1- ءتاسىل: ءدارى- دارمەك ساتاتىن جالعان سايت اشۋ الاياقتار قولداناتىن تاسىلدەردىڭ ءبىرى - مەديتسينالىق ماسكالار مەن ءدارى- دارمەكتەر ساتاتىن بانكتەردىڭ، ۇيىمداردىڭ، ينتەرنەت- دۇكەندەر مەن ءدارىحانالاردىڭ فيشينگ سايتتارىن (ينتەرنەت- الاياقتىقتىڭ ءبىر ءتۇرى - اۆتور) جاساۋعا بايلانىستى بولۋى مۇمكىن. پايدالانۋشىلارعا ولاردىڭ تولەم كارتالارى تۋرالى دەرەكتەردى ەنگىزۋ ۇسىنىلادى. ولاي ەتكەن جاعدايدا كارتاداعى اقشادان ايىرىلىپ قالاسىز، ياعني سىزگە جەتكىزىلمەيتىن تاۋار ءۇشىن اقشا تولەيسىز.
2- ءتاسىل: قارجى ۇيىمىنىڭ قىزمەتكەرى رەتىندە حابارلاسۋ الاياقتار وزدەرىن قارجى ۇيىمىنىڭ قىزمەتكەرىمىز دەپ تانىستىرا وتىرىپ، ازاماتتارعا الىپ- ساتارلىق ماقساتتا ۆاليۋتا ساتىپ الۋ ءۇشىن تومەن پايىزدىق مولشەرلەمەمەن ءىرى سوماعا كەپىلسىز كرەديتتەر رەسىمدەۋدى ۇسىنادى. سونداي- اق، توتەنشە جاعدايلار مەن كارانتين ۋاقىتىندا ءوسىم پۇلدار بولمايتىنى تۋرالى ۋادە بەرەدى.
3- ءتاسىل: جارناما ناۋقانى قوسىلعانى تۋرالى اقپارات تاراتۋ الاياقتار سالىمدار بويىنشا جوعارى پايىزدار بولاتىنى تۋرالى ۋادە بەرە وتىرىپ، الەۋمەتتىك جەلىلەردە نەمەسە WhatsApp-تا جارناما ناۋقانى ىسكە قوسىلعانى تۋرالى اقپارات تاراتۋى مۇمكىن. ءوز اقشاڭىزدى كۇماندى ۇيىمدارعا سەنىپ تاپسىرۋدىڭ قاجەتى جوق.
4- ءتاسىل: كوروناۆيرۋسقا قاتىستى قايىرىمدىلىق جاساۋدى ۇسىنۋ كەيبىر ەلدەردە الاياقتار كوروناۆيرۋس جونىندە اقپارات جازىلعان ەلەكتروندىق حاتتار تاراتادى. وندا دەربەس دەرەكتەردى ەنگىزۋ نەمەسە بانك وپەراتسيالارىن جۇرگىزۋ قاجەت بولاتىن ءارتۇرلى سىلتەمەلەر كورسەتىلەدى. وسىلايشا، الاياقتار پايدالانۋشىلاردىڭ جەكە تولەم دەرەكتەرىن الۋ ءۇشىن ءارتۇرلى ۇسىنىس ايتادى. مىسالى، كيبەرقىلمىسكەرلەر پايدالانۋشىلارعا ينفەكسيامەن كۇرەسۋ ءۇشىن قايىرىمدىلىق جاساۋدى ۇسىنادى جانە دۇنيەجۇزىلىك دەنساۋلىق ساقتاۋ ۇيىمىنىڭ حاتىن جىبەرىپ، تولەم كارتالارى تۋرالى دەرەكتەردى الادى. 5- ءتاسىل ونلاين تولەم ارقىلى مەديتسينالىق قىزمەتتەر ۇسىنۋ ۆيشينگ- الاياقتار ءارتۇرلى قۋلىققا بارادى. مىسالى، اۋىرىپ قالعان تۋىسقانداردىڭ سەنگىشتىگىن پايدالانا وتىرىپ، ونلاين- تولەم ارقىلى ءتۇرلى مەديتسينالىق قىزمەتتەرگە اقى تولەۋدى ۇسىنۋى مۇمكىن. بۇل ءۇشىن ولار تەلەفون ارقىلى اقشانى ەسەپتەن شىعارۋ ءۇشىن ج س ن، كارتاڭىزدىڭ دەرەكتەرىن، SMS- حابارلاما ارقىلى كەلگەن كودتى سۇرايدى. قارجىلىق قىزمەتتەردى جۇزەگە اسىرۋ كەزىندە تۇتىنۋشىلاردىڭ قۇقىقتارى بۇزىلعان جاعدايدا اگەنتتىككە قاشىقتان: پوشتا نەمەسە كۋرەر ارقىلى جەتكىزىلەتىن جازباشا ءوتىنىش ارقىلى، ونىڭ ىشىندە وڭىرلىك وكىلدەر باسقارماسىنا جۇگىنە الادى. مۇنداي ارەكەت قاۋىپسىزدىكتى قامتاماسىز ەتۋ جانە COVID-19 تارالۋىنا جول بەرمەۋ ماقساتىندا ورىندالادى.