بۇل تۋرالى Мontsame اگەنتتىگىنە سىلتەمە جاساعان قازاقپارات حابارلايدى.
جەتتى موڭعوليانىڭ 30 جاستاعى ازاماتشاسىنان كوروناۆيرۋس ينفەكتسياسى انىقتالعان. ول 16- ناۋرىزدا يتاليادان ارنايى رەيسپەن گەرمانيا ارقىلى ۇشىپ كەلگەن، قازىرگى كەزدە ينفەكتسيالىق اۋرۋلاردى ۇلتتىق زەرتتەۋ ورتالىعىندا كارانتيندە جاتىر.
قازىرگى كەزدە ناۋقاستىڭ جاعدايى تۇراقتى جانە ول گەرمانيادان ۇلانباتىرعا ۇشىپ قونعان اۋە كەمەسىندەگى ءبىرىنشى دەڭگەيلى ناۋقاسپەن بايلانىستا بولعان جوق. Мontsame حابارلاۋىنشا، 16- ناۋرىزدا موڭعوليانىڭ دەنساۋلىق ساقتاۋ مينيسترلىگى 15-16- ناۋرىز كۇندەرى سەۋل-ۇلانباتىر جانە بەرلين-ماسكەۋ-ۇلانباتىر ارنايى رەيستەرىمەن كەلگەن موڭعوليانىڭ ءۇش ازاماتىنان جاڭا تيپتەگى كوروناۆيرۋس انىقتالعان.
ولار كەلگەن بويدا كوروناۆيرۋسقا تەكسەرىلىپ، ستاتسيونارعا جاتقىزىلدى.