جالپى، ەلىمىز بويىنشا 13 مىڭنان استام جاس قاتىسۋعا ءوتىنىم بەرگەن بولاتىن. اقتىق كەزەڭگە 330 مامان ىرىكتەلگەن. ۇلتتىق كوميسسيا وتىرىسىنىڭ قورىتىندىسى بويىنشا 300 ۇمىتكەر پرەزيدەنتتىك جاستار كادر رەزەرۆىنە الىندى.
28 جاستاعى ماۋلەن عابدۋلقاليەۆ - ۇزدىك 300 جاستىڭ قاتارىنا ەنگەن 5 ماڭعىستاۋلىقتىڭ ءبىرى. ول قازىرگى تاڭدا «قازپوشتا» ا ق وبلىستىق فيليالىندا ديرەكتور ورىنباسارى قىزمەتىن اتقارادى. الماتىدان جوعارى وقۋ ورنىن ءتامامداپ، مەملەكەتتىك قىزمەتتە، بيزنەس سالاسىندا ەڭبەك ەتكەن. 6 سىننان سۇرىنبەي ءوتىپ، ۇزدىك 300 جاستىڭ قاتارىنا ەنگەن. ماقساتى - ەلدىڭ دامۋىنا ۇلەس قوسۋ، ابىرويلى قىزمەت اتقارۋ.
«مەنىڭ نەگىزگى تاڭداعان باعىتىم - ەكونوميكا جانە قارجى ساياساتى. مەن قورعاعاعان پرەزەنتاتسيا ۇلتتىق ۆاليۋتانى ترانسفورماتسيالاۋدى كوزدەيدى. ءوزىمنىڭ باعىتىما قاراي مينيسترلىكتە جۇمىس ىستەۋ نەمەسە قىزمەتىمدى «قازپوشتادا» جالعاستىرۋدى ويلاپ وتىرمىن»، - دەيدى ماۋلەن عابدۋلقاليەۆ.
«ءبىزدىڭ وڭىرىمىزدەن 200 گە جۋىق جاس ۇمىتكەر بولدى. وڭاي بولعان جوق. ولار ەل باسقارۋ سالاسىندا قىزمەت ەتەتىندىكتەن ءاربىر ماماننىڭ الەۋەتىن، ءبىلىمىن، قۇزىرەتىن تەكسەردى. 5 ۇمىتكەر مارەگە دەيىن جەتتى. ونىڭ ىشىندە بىرەۋى - مەملەكەتتىك قىزمەتشى، قالعانى - بيزنەس وكىلدەرى. 2019-جىلدىڭ 20- جەلتوقسان كۇنى پرەزيدەنتتىڭ جارلىعىمەن تولىقتىرۋ ەنگىزىلدى. ول بويىنشا پرەزيدەنت رەزەرۆىنە ەنگەن ماماندار كونكۋرستان تىس A جانە B كورپۋسىنا باسشىلىق لاۋازىمدارعا تاعايىندالادى»، - دەيدى ق ر مەملەكەتتىك قىزمەت ىستەرى اگەنتتىگىنىڭ وبلىستىق دەپارتامەنتىنىڭ باسشىسى نۇرگۇل جاننازاروۆا.
رەزەرۆشىلەر تىزىمىنە جەكە سەكتوردان – 102، كۆازيمەملەكەتتىك سەكتوردان - 98 ادام جانە 96 مەملەكەتتىك قىزمەتشى كىردى. ۇمىتكەرلەردىڭ W ىنىڭ الدىڭعى قاتارلى شەتەلدىك ءبىلىمى بار، C - قازاقستاندىق جوعارى وقۋ ورىندارىنىڭ تۇلەكتەرى. ىرىكتەۋ جەڭىمپازدارىنىڭ ورتا جاسى - 31.