5- قاڭتار. جەكسەنبى
ەستە قالار وقيعالار
1993-جىلى «ۇلتتىق تەست ورتالىعى» رەسپۋبليكالىق مەملەكەتتىك قازىنالىق كاسىپورنى قۇرىلدى. ۇ ت و- نىڭ باستى قىزمەتى قازاقستاننىڭ ءبىلىم بەرۋ جۇيەسىنە مونيتورينگ جاساۋ جانە بارلىق تۇردەگى سىرتقى ەمتيحانداردى ۇيىمداستىرۋ جانە وتكىزۋ، تەست تاپسىرمالارىنىڭ بازاسىن قۇراستىرۋ بولىپ تابىلادى.
1999-جىلى قازاقستان رەسپۋبليكاسىنىڭ پرەزيدەنتى ن. نازاربايەۆقا بۇكىل الەمدىك مادەني-تاريحي قۇندىلىقتى ساقتاۋ تۋرالى ءبىرىنشى حالىقارالىق كەلىسىمنىڭ (رەريح پاكت) رەسمي تۇردە بەكىتىلگەن سيمۆولى - الەم بايراعى تابىستالدى.
«رەريح پاكت» - بۇكىل الەمدىك مادەني-تاريحي قۇندىلىقتى ساقتاۋدا وراسان زور ءرول اتقارعان ماڭىزدى قۇجات.
2006-جىلى الماتىداعى «ونەر» باسپاسى كورنەكتى قوعام جانە مادەنيەت قايراتكەرى وزبەكالى جانىبەكوۆتىڭ (1931-1998) «قازاق كيىمى» اتتى كىتابىن باسىپ شىعاردى.
2009-جىلى رەسپۋبليكامىزدا بيومەتريالىق پاسپورت بەرۋ باستالدى.
جاڭا ءتولقۇجاتتىڭ سوڭعى بەتىندە كەلەسى مالىمەتتەردى قامتيتىن كوزگە كورىنبەيتىن ەلەكتروندى چيپ ورناتىلعان: فاميليا، اتى، اكەسىنىڭ اتى، جىنىسى، تۋعان جەرى مەن تۋعان كۇنى، ازاماتتىعى، ءتولقۇجاتتىڭ ءنومىرى، قۇجاتتىڭ بەرىلگەن كۇنى جانە پايدالانۋ مەرزىمى، جەكە يدەنتيفيكاتسيالىق ءنومىرى، سيفرلىق فوتوسۋرەتى جانە يەسىنىڭ قولى.
2010-جىلى قازاقستان رەسپۋبليكاسىنىڭ سىرتقى ىستەر مينيسترلىگىندە قازاقستاننىڭ 2010-جىلعى ە ق ى ۇ- عا ءتوراعالىعى قىزمەتىن ناسيحاتتاۋدى قامتاماسىز ەتۋ ماقساتىندا ازىرلەنگەن رەسمي ۆ ە ب- سايتتىڭ (www.osce2010.kz) تانىستىرىلىمى بولدى.
سايتتا بارىنشا كەڭ سىلتەمەلەرى بار بۇگىنگى كۇننىڭ ناۆيگاتسياسى جانە تولىق ءماتىندى ىزدەۋ جۇيەسى، سونداي-اق سايتتىڭ كارتاسى ورنالاستىرىلعان.
2012-جىلى الماتىدا د. ا. قونايەۆتىڭ 100 جىلدىعىنا ارنالعان فوتوالبوم جارىق كوردى. العاش رەت ونىڭ جانۇيالىق مۇراعاتىنان تۋىستارىمەن جانە دەمالۋ كەزىندە تۇسىرىلگەن فوتوسۋرەتتەرى، سونىمەن قاتار د. ا. قونايەۆ تۇرعان پاتەردىڭ فوتوسۋرەتتەرى كورسەتىلگەن. فوتوالبوم بەتتەرىندە كورسەتىلگەن وردەندەر مەن ماراپاتتار، شەتەلدىك مەملەكەت باسشىلارىنىڭ سىيلىقتارى، د. ا. قونايەۆتىڭ اتىس جانە سۋىق قارۋ جيناعى مەن ونىڭ بىرەگەي وتتىق كوللەكتسياسى ۇلكەن قىزىعۋشىلىق تۋدىردى.
2017-جىلى قازاقستاندىق كينوتەاترلاردا جازۋشى ءىلياس ەسەنبەرليننىڭ «كوشپەندىلەر» تريلوگياسى بويىنشا تۇسىرىلگەن «قازاق ەلى» جوباسىنىڭ العاشقى ءبولىمى - «الماس قىلىش» فيلمى كورسەتىلە باستادى. فيلم سەناريىن جازعان - سماعۇل ەلۋباي. رەجيسسەرى - رۇستەم ءابدىراش.
تاريحي جوبانىڭ اۆتورى – ق ر پرەزيدەنتى ن. نازاربايەۆ. فيلم ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» ا ق «Centaurus Rustem Abdrashev production» ج ش س- نىڭ قاتىسۋىمەن تۇسىرىلگەن.
2017-جىلى The New York Times باسىلىمى 2017-جىلى الەمدە ادامدار بارۋى ءتيىس 52 ورىندى جاريالادى. امەريكالىق گازەتتىڭ نۇسقاسى بويىنشا، قازاقستان بۇل تىزىمدە 26-ورىندا.
2019-جىلى استانادا كارديوحيرۋرگتار جۇرەككە بىرەگەي وتا جاسادى. ناۋقاس - جۇرەگىندە اقاۋى بار 74 جاستاعى شىعىس قازاقستان وبلىسىنىڭ تۇرعىنى. دارىگەرلەر اورتالدى كلاپاندى ترانسكاتەتەرلىك يمپلانتاتسيالاۋدى جانە شاعىن ءينۆازيۆتى اورتوكورونارلىق شۋنتتاۋدى جۇرگىزۋدى شەشكەن. جۇرەككە جاسالاتىن گيبريدتى وتانىڭ بۇل ءتۇرى مەديتسينالىق تىلدە ءدال وسىلاي ايتىلادى.
مۇنداي وتانىڭ بار بولعانى 7 ەۋى وتكىزىلگەن. قازاقستاندىق كارديوحيرۋرگتار سەگىزىنشىسىن جاسادى.