16 -قاراشا كۇندىزگى ساعات 13:48-دە قۇتقارۋ قىزمەتىنە اۋەزوۆ كوشەسىندەگى بەس قاباتتى ءۇيدىڭ ورتەنىپ جاتقانى تۋرالى حابار كەلىپ ءتۇستى.
«ءورت سوندىرۋشىلەر كەلىپ جەتكەندە ەكىنشى قاباتتاعى پاتەردە تۇرمىستىق تەحنيكا مەن ءۇي زاتتارى جانىپ جاتقان بولاتىن. قۇتقارۋشىلار ءبىرىنشى كەزەكتە ءتورتىنشى قاباتتان باسپالداقتىڭ كومەگىمەن 5 ادامدى قۇتقاردى. ونىڭ ىشىندە ەكەۋى - بالا. ناتيجەسىندە ءورت 14:03-تە اۋىزدىقتالىپ، 14:05-تە ءسوندىرىلدى. قىزىل جالىن 5 شارشى مەتر اۋماقتى شارپىعان» دەلىنگەن حابارلامادا.
ءورت كەزىندە 1938 -جىلى تۋعان كەيۋانا اشى گاز يىسىنەن ۋلانىپ، اۋرۋحاناعا ءتۇستى.
ءتىلسىز جاۋمەن ارپالىسۋعا جەكە قۇرامنان 17 ادام جانە 5 تەحنيكا جۇمىلدىرىلدى. پوليتسيا قىزمەتكەرلەرى ءۇي اۋماعىن قورشاۋعا الدى.