ب ق و پوليتسيا دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وقيعا كەشە كەشكە بولعان.
كەزەكشىلىكتە جۇرگەن پوليتسيا اعا لەيتەنانتى نۇربولات سماعۇل مەن پوليتسيا لەيتەنانتى نۇرجان عۋميروۆ راتسيا ارقىلى ءبىر قىزدىڭ ەۋرازيا داڭعىلى 54-ءۇيدىڭ توبەسىنە شىعىپ الىپ، سەكىرمەك بولىپ جاتقانىن ەستيدى.
وقيعا ورنىنا كەلگەن ءتارتىپ ساقشىلارى بىردەن توبەگە كوتەرىلەدى. ءبىرىنشى جەتكەن نۇربولات قىزدى اڭگىمەگە تارتىپ، الاڭداتپاق بولعانىمەن، ول جاۋاپ بەرمەيدى. دەگەنمەن نۇربولات سوزگە تارتا وتىرىپ، قىزعا جەتىپ، قولىنان ۇستاپ الادى. سودان كەيىن نۇرجان ەكەۋى قىزدى تومەنگە تۇسىرەدى.
قىزدىڭ كەز كەلگەن ساتتە سەكىرىپ كەتۋى مۇمكىن بولعاندىقتان، قۇتقارۋشىلاردى كۇتۋگە ۋاقىت جوق ەدى. ونىڭ ۇستىنە سول كۇنى جاڭبىر جاۋعاندىقتان، پوليتسەيلەردىڭ دە توبەدەن اياعى تايىپ كەتۋى مۇمكىن ەدى.
اتالمىش دەرەك ق ر ق ك 105-بابى 1-بولىگىنە سايكەس وزىنە-ءوزى قول جۇمساۋ ارەكەتى رەتىندە تىركەلدى.
تەرگەۋ امالدارى جۇرگىزىلگەننەن كەيىن قىزدى تۋىسقاندارى الىپ كەتتى.
ەسكە سالا كەتەيىك، بۇدان بۇرىن ورالدا كوپىردەن سەكىرمەك بولعان قىزدى ەر ادام قۇتقارىپ قالعانىن جازعان بولاتىنبىز.