قازاقستاننىڭ سىرتقى قارىزى 5 پايىزعا قىسقاردى
ونىڭ ىشكى جالپى ونىمگە قاتىناسى 93,1 پايىز بولىپ، جىل باسىنان 9,5 پايىزعا جاقساردى. ءبىر جىلدا قازاقستاننىڭ سىرتقى قارىزى 5,04 پايىز نەمەسە 8430,6 ميلليون دوللارعا ازايدى، دەپ حابارلايدى قازاقپارات ۇلتتىق بانكتىڭ باسپا ءسوز قىزمەتىنە سىلتەمە جاساپ.
«سىرتقى بورىش قۇرىلىمىندا 63,6 پايىزىن بۇرىنعىسىنشا فيرماارالىق بەرەشەك، 25,0 پايىز بايلانىستى ەمەس كرەديتورلار الدىنداعى «باسقا سەكتورلاردىڭ» سىرتقى بورىشى، 7,8 پايىز مەملەكەتتىك سىرتقى بورىش (ۇكىمەت پەن ۇلتتىق بانك)، 3,6 پايىز - «بانكتەر» سەكتورىنىڭ سىرتقى مىندەتتەمەلەرى (ە د ب جانە «قازاقستاننىڭ دامۋ بانكى» ا ق) قۇراپ وتىر. 2018-جىلعى 4-توقساندا ەكونوميكانىڭ بانكتىك ەمەس سەكتورى مىندەتتەمەلەرىنىڭ ازايۋى ەسەبىنەن ەلدىڭ سىرتقى بورىشى 2,5 ميلليارد ا ق ش دوللارىنا قىسقاردى. مەملەكەتتىك سىرتقى بورىش جالپى سوماسى 1,05 ميلليارد ەۋرونى قۇرايتىن 5 جانە 10 جىلدىق تاۋەلسىز ەۋرووبليگاتسيالاردىڭ ەكى ترانشىن شىعارۋ ەسەبىنەن 899,1 ميلليون ا ق ش دوللارىنا ءوستى» دەلىنگەن حابارلامادا.
«بانكتەردىڭ» سىرتقى مىندەتتەمەلەرى توقسان ىشىندە وزگەرمەدى، سەبەبى بەيرەزيدەنتتەردىڭ قولىنداعى ەۋرووبليگاتسيالار كولەمىنىڭ ازايۋى ولاردىڭ قازاقستاندىق بانكتەردەگى دەپوزيتتەرىنىڭ وسۋىمەن وتەلدى.
«باسقا سەكتورلاردىڭ» ۇلەستەس ەمەس كرەديتورلار الدىنداعى سىرتقى بورىشى 1,6 ميلليارد ا ق ش دوللارىنا ازايدى، ول، نەگىزىنەن، قارىزداردى وتەۋ ەسەبىنەن، ونىڭ ىشىندە ERG توبى كاسىپورىندارىنىڭ مىندەتتەمەلەرىن قايتا قارجىلاندىرۋ (963 ميلليون ا ق ش دوللارىنا ازايۋ)، «قاز مۇناي گاز» ۇ ك» ا ق- تىڭ «سبەربانك روسسي» پ ا و الدىنداعى (371 ميلليون ا ق ش دوللارى) جانە «قاز تەمىر ترانس» ا ق- تىڭ ە ق د ب الدىنداعى قارىزدارىن وتەۋ ەسەبىنەن ورىن الدى.
ايتا كەتەيىك، قازاقستاننىڭ تازا سىرتقى بورىشى 2018-جىلعى 4-توقساندا 560,5 ميلليون ا ق ش دوللارىنا ازايىپ، 47,2 ميلليارد ا ق ش دوللارىن قۇرادى. بۇل رەتتە مەملەكەتتىك سەكتور جانە «بانكتەر» قالعان الەمگە قاتىستى تازا كرەديتورلار بولىپ، ال «باسقا سەكتورلار» تازا قارىز الۋشىلار بولىپ تابىلادى.