جويىلۋعا جاقىن 5 ءىرى قالا
نازارلارىڭىزعا جويىلۋ قاۋپى باسىم ەڭ ۇلكەن 5 قالانى ۇسىنامىز.
1. سان- فرانسيسكو، ا ق ش. سەبەبى - جەر سىلكىنىسى
كاليفورنيا ۋنيۆەرسيتەتىنىڭ زەرتتەۋشىلەرى 2086 -جىلى سان- فرانسيسكو اۋماعىندا 7 باللدان جوعارى جەر سىلكىنىسىنىڭ بولاتىنىن بولجاپ وتىر. دەگەنمەن سان- فرانسيسكو قازىردىڭ وزىندە جىلدام قۇرىپ كەلە جاتقان قالالاردىڭ تىزىمىنە ەنگەن. جىل سايىن بۇل قالادان كەتەتىن حالىقتىڭ سانى تىم كوپ.
2. ۆەنەتسيا، يتاليا. سەبەبى - جەر قىرتىسىنىڭ تومەندەۋى
عاشىقتار استاناسى، الەمدەگى ەڭ رومانتيكالىق قالالاردىڭ ءبىرى - ۆەنەتسيا ورنالاسقان جەر مىڭداعان جىلداردان بەرى تومەندەپ كەلەدى. ءبىراق سوڭعى كەزدەرى جىلدامدىعى كۇرت ارتقان. 100 جىلدا ۆەنەتسيا قالاسى 24 سانتيمەترگە تومەندەي تۇسكەن. ۇكىمەت قازىردىڭ وزىندە قالانى قۇتقارۋ بويىنشا جوسپار قۇرىپ جاتىر. الايدا بۇل پايداعا اسا ما، كىم ءبىلسىن؟ !
3. نەاپول، يتاليا. سەبەبى - جانارتاۋ اتقىلاۋى
ۆەزۋۆي جانارتاۋى ءبىزدىڭ زامانىمىزعا دەيىن 79 -جىلى پومپەي قالاسىن جەرمەن جەكسەن ەتكەن ەدى. ءاربىر 100 جىلدا وياناتىن جانارتاۋ سوڭعى رەت 1944 -جىلى اتقىلاعان. ۆەزۋۆي وڭتۇستىك يتالياداعى نەاپول شىعاناعىندا ورنالاسقان. بۇل جانارتاۋ كەلەسى جولى ويانعاندا "قاۋىپتى ايماقتا" تۇراتىن جارتى ميلليوننان استام حالىقتىڭ ءومىرىن قيۋى مۇمكىن.
4. تيمبۋكتۋ، مالي. سەبەبى - شولەيتتەنۋ
ماسەلەسى ساحارا ءشولىنىڭ وڭتۇستىگىندە ورنالاسقان مەملەكەتتەردىڭ باستى ماسەلەسى - شولەيتتەنۋ. قۇنارلى جەردىڭ باسىم بولىگى ۋاقىت وتە شولگە اينالىپ كەلەدى. ءماليدىڭ تيمبۋكتۋ قالاسىنا ۇلكەن قاتەر ءتونىپ تۇر. 1000 -جىلدان استام تاريحى بار بۇل قالا XV- XVI عاسىردا يسلام الەمى ءۇشىن ماڭىزدى ەلدى- مەكەننىڭ ءبىرى ەدى. قازىر مالي ۇكىمەتى قالانى كوگالداندىرۋ بويىنشا جۇمىستار اتقارىپ جاتىر. الايدا بۇعان قاراماستان قالانىڭ باسىم بولىگىن قۇم باسىپ قالعان.
5. مەحيكو، مەكسيكا. سەبەبى - اۋىز سۋدىڭ بولماۋى جانە جەردىڭ تومەندەۋى
الەمدەگى ەڭ ۇلكەن قالالاردىڭ ءبىرى - مەحيكوعا دا قاۋىپ ءتونىپ تۇر. مەكسيكانىڭ استاناسى سۋ ساقتاعىش قاباتتىڭ ۇستىندە ورنالاسقان. ءاربىر 20 ميلليون تۇرعىن سۋ ىشكەندە بۇل قابات ءسال تومەندەيدى ەكەن. سوڭعى ءبىر عاسىردا قالانىڭ كەيبىر اۋماقتارى 9 مەترگە دەيىن تومەندەگەن. بولاشاقتا بۇدان دا قاتتى تومەندەۋى مۇمكىن. قالانىڭ باستى اۋىز سۋ قورى - سۋ ساقتاعىش قابات ءبىر كۇنى سارقىلادى.
Massaget.kz