ماتەماتيكانى جاقسى كورۋگە 5 سەبەپ
1- سەبەپ: بىرتەكتىلىك قازان كوتەرىلىسى ەلدىڭ دامۋ ۇردىسىنە قالاي اسەر ەتتى؟ قۇنانباي نەگە قامقا مەن قوداردىڭ ولىمىنە سەبەپكەر بولدى؟ ءار قيلى جاۋاپ بەرۋگە بولادى. تۇجىرىم مەن بولجامدار دا جەتكىلىكتى. ماتەماتيكادا عانا ناقتىلىق پەن وزگەرمەيتىن زاڭدىلىق بار. مىسالى: 3х + 4х = 7х ءارقاشان. كەشە دە، 50 جىل بۇرىن دا، داعدارىس ورىن العان شاقتا دا وسىلاي بولعان جانە ول وزگەرمەيدى.
2- سەبەپ: ويلاۋ جۇيەسىنە اسەرى: بالا تەك ساناپ بىلسە عانا ونىڭ ويلاۋ جۇيەسى داميدى دەپ تۇجىرىم شىعارۋ قاتەلىك. جىلدام ويلانىپ قانا قويماي، شەشىم قابىلداۋ جانە وزگە دە داعدىلاردى قالىپتاستىرۋ ءۇشىن بالا ماتەماتيكانىڭ قىر- سىرىن مەڭگەرۋى ءتيىس. ساناپ، قوسۋ- ازايتۋ بۇل باستاماسى. تريگونومەتريا، لوگاريفم سەكىلدى ەسەپتەۋ امالدارى قيىن ەسەپتەردى جەڭىلدەتۋ ءۇشىن ويلاپ تابىلعان. ءبىراق، ءبىز كەرىسىنشە قابىلدايمىز.
سەبەپ - 3. تاجىريبەدە قولدانۋعا بولادى: باعدارلامالاۋ، ينجەنەريا جانە وزگە دە تەحنيكالىق سالالاردا ماتەماتيكا ءوزىنىڭ سەپتىگىن تيگىزەدى. ۇيلەر ەسەپسىز سالىنبايدى. ءتىپتى عالامتور الاڭىندا ءار سايتتىڭ وزىنە ءتان ايماعى دا ەسەپ بويىنشا ىسكە اسادى.
سەبەپ - 4. الگوريتم ارقىلى جۇمىس ىستەۋگە ۇيرەتەدى: ماتەماتيكانى جانى سۇيەتىندەر ءبىر ارەكەتتى قايتا جاساي وتىرىپ، ناتيجەنىڭ ءار ءتۇرلى بولاتىنا ءۇمىت ارتپايدى. مىسالى، كۇندەلىكتى الگوريتم بويىنشا ارىپتەسىڭىز كوفە دايىندادى. ءبىراق، كوفە دايىندايتىن قۇرىلعى ءجۇمىس ىستەمەدى. ەگەر ارىپتەسىڭىزدىڭ ماتەماتيكاعا قابىلەتى جوعارى بولسا، ول ناتيجەسىز الگوريتمدى قايتالاعاننان وزگە ناتيجە الۋ مۇمكىن ەمەس ەكەندىگىن بىردەن ۇعار ەدى.
سەبەپ-5. شەشىم قابىلداۋ: ەگەر ءسىزدىڭ قولىڭىزدا n تەڭگە بولسا، ال، دەمالۋ ءۇشىن n + 20000 تەڭگە قاراجات كەرەك بولسا، ماتەماتيكتەر ارزان شىعاتىن نۇسقانى تاڭدايدى. ويتكەنى، بىرىنشىدەن، ماتەماتيكا سانالى سالىستىرۋ جۇيەسىن ۇيرەتسە، ەكىنشىدەن، ماتەماتيكالىق شىنايىلىق ءبارىبىر قولىمىزدىڭ جەتپەيتىنىن دالەلدەيدى.
مىسالى، مىنا ەسەپتى قاراپ كورىڭىز: A قالاسىندا 100 بالا ءومىر سۇرەدى. B قالاسىندا 300 بالا بار. قالالاردىڭ ارا- قاشىقتىعى - 10 ك م. ارا- قاشىقتىقتى جاقىنداتۋ ءۇشىن قاي قالاعا مەكتەپ سالۋ كەرەك. بۇل جەردە ماتەماتيكا سالاسىنىڭ مامانى B دەپ جاۋاپ بەرەر ەدى. ويتكەنى، ارا- قاشىقتىقتى قىسقارتۋ مۇمكىن ەمەس. ءبىراق، 300 بالا بار قالاعا مەكتەپ سالۋ شىعىنداردى قىسقارتادى.
Massaget.kz