تۇركيا قازاقستانعا 5 ميلليارد دوللار قارجى سالۋعا دايىن - فوتو
22 -قاراشا كۇنى «اتامەكەن» الاڭىندا ۇ ك پ ءتورالقا ءتوراعاسى حاتشىلىعىنىڭ جەتەكشىسى، «اتامەكەن» ق ر ۇ ك پ ىسكەر ايەلدەرى كەڭەسىنىڭ ءتورايىمى ءلاززات رامازانوۆا جانە تۇركيا كاسىپكەرلەرى مەن ونەركاسىپ وكىلدەرى كونفەدەراتسياسىنىڭ باسقارما ءتورايىمى نەزاكەت ەمينە اتاسويدىڭ ەكىجاقتى كەزدەسۋى ءوتتى.
نەزاكەت ەمينا اتاسوي قازاقستان رەسپۋبليكاسىنىڭ ەلورداسى استاناعا كەلگەنىنە قۋانىشتى ەكەنىن جەتكىزدى.
«ءبىز ەكى ەل اراسىنداعى ساۋدا قاتىناستارىن نىعايتۋ ءۇشىن كەلدىك. تۇركيا كاسىپكەرلەرى مەن ونەركاسىپ وكىلدەرى كونفەدەراتسياسى الەمنىڭ 100 دەن استام مەملەكەتتەرىندە جۇمىس ىستەيدى. وكىلدىكتەرىمىز افريكا، ازيا مەملەكەتتەرىندە بار. جالپى كونفەدەراتسيا ىسكەر ەرلەر مەن ايەلدەردەن تۇرادى. ءبىز ونەركاسىپ پەن يندۋستريادا عانا ەمەس، ەكونوميكانىڭ بارلىق سالالارىندا جۇمىس ىستەيمىز»، - دەدى نەزاكەت ەمينا اتاسوي.
شارا بارىسىندا نەزاكەت ەمينا تۇركيا كاسىپكەرلەرى مەن ونەركاسىپ وكىلدەرى كونفەدەراتسياسى قىزمەتى تۋرالى اڭگىمە قوزعادى.
«قازاقستانعا 5 ميلليارد ا ق ش دوللارىن قۇرايتىن سوماعا كەپىلدىك حاتىن الىپ كەلدىم. بۇل قارجىنى قازاقستان ۇكىمەتى مەملەكەتتىڭ ارى قاراي گۇلدەنۋىنە جۇمسايدى دەپ سەنەمىز. ءبىزدىڭ ماقساتىمىز - ەكى ەل اراسىنداعى يمپورت پەن ەكسپورت قاتىناستارىن نىعايتىپ، تاۋار تاسىمالىنا كەدەرگى كەلتىرەتىن كەدەندىك تەكسەرىستەردى جەڭىلدەتۋ»، - دەدى كونفەدەراتسيا ءتورايىمى.
ونىڭ سوزىنشە، تۇركيا كاسىپكەرلەرى مەن ونەركاسىپ وكىلدەرى كونفەدەراتسياسى افريكانىڭ 54 مەملەكەتىمەن، پارسى شىعاناعىنىڭ 22 مەملەكەتىمەن بايلانىس ورناتقان. بۇل مەملەكەتتەر اراسىندا جىل سايىن حالىقارالىق فورۋمدار وتەدى، ماڭىزدى كەلىسىمدەر جاسالىپ، قۇجاتتارعا قول قويىلادى. كونفەدەراتسيانىڭ باس كەڭسەسى انكارادا ورنالاسقان. قازاقستان نارىعى تۇركيا ۇيىمىنا وزبەكستان، قىرعىزستان، تۇرىكمەنستان نارىقتارىنا شىعۋعا جول اشادى. ەندى تۇركيا تاراپى 2018 -جىلدىڭ العاشقى ايلارىندا تاياۋ شىعىس مەملەكەتتەرىنىڭ قاتىسۋىمەن قازاقستان مەن تۇركيا حالىقارالىق فورۋمىن وتكىزبەك.
شارا بارىسىندا ۇ ك پ باسقارما ءتوراعاسىنىڭ ورىنباسارى يۋليا ياكۋپبايەۆا قارجى، مەديتسينا، تۋريزم سالالارىنداعى باسىمدىقتار تۋرالى ايتتى.
«ەكى ەل اراسىنداعى سەرىكتەستىك وتە بەرىك. قازاقستاندا تۇركيالىق كاپيتالدىڭ كولەمى ايتارلىقتاي زور. ريكسوس جەلىسى قازاقستانعا كەلگەن العاشقى بەس جۇلدىزدى قوناقۇيلەر. بۇگىندە ريكسوس قوناق ۇيلەرى 4 وڭىردە اشىلعان. مەديتسينا سالاسىندا دا ءىرى كومپانيالار جۇمىس ىستەيدى، ولار كلينيكالار مەن فارماتسيەۆتيكالىق زاۋىتتار. مەديتسينالىق تۋريزم دە دامىپ كەلەدى. قازاقستاندىق ستۋدەنتتەر تۇركياعا بارىپ، ءبىلىم الۋدا. تۋريزم سالاسىندا ۇلتتىق پالاتانىڭ تۋريزم سالاسىندا ءتيىمدى 40 جوباسىنىڭ تىزبەسى بار. ولار تۇركيالىق ينۆەستورلاردى قىزىقتىرادى دەگەن سەنىمدەمىن. ينۆەستورلاردىڭ قۇقىعىن قورعاۋدا كاسىپكەرلەر پالاتاسى ءتيىستى زاڭنامانى وزگەرتۋدە بەلسەندى جۇمىس اتقارىپ جاتىر. كەدەرگىلەر كوپ، مونيتورينگ جۇرگىزەمىز، ينۆەستورلاردىڭ بارلىق ماسەلەلەرىن «اتامەكەن» الاڭىندا شەشۋگە جاعداي جاسايمىز»، - دەدى يۋليا ياكۋپبايەۆا.
ءوز كەزەگىندە «اتامەكەن» ق ر ۇ ك پ ىسكەر ايەلدەرى كەڭەسىنىڭ ءتورايىمى لاززات رامازانوۆا نەزاكەت ەمينا اتاسوي حانىمعا ءتيىمدى جۇمىس ىستەۋ ءۇشىن كونفەدەراتسيانىڭ قازاقستانداعى وكىلدىگىن اشۋدى ۇسىندى. تۇركيا تاراپى جۋىق ارادا وسى ماسەلەنى شەشەتىندەرىن جەتكىزدى. ەكى مەملەكەتتىڭ باسشىلارىنىڭ تىعىز بايلانىسى ارقىلى تۇركيا مەن قازاقستان اراسىنداعى بايلانىس ارتىپ كەلەدى.
«اتامەكەن» ق ر ۇ ك پ مەن تۇركيا كاسىپكەرلەرى مەن ونەركاسىپ وكىلدەرى كونفەدەراتسياسى ساۋدا- ەكونوميكالىق قاتىناستارىنىڭ دامۋىنا اتسالىسادى. ويتكەنى ساۋدا، ونەركاسىپ جانە ينۆەستيتسيالاردى تارتۋدا مۇددەلەر ورتاق. تۇركيا تاراپى قازاقستانعا 5 ميلليارد ا ق ش دوللارىنا دەيىن ينۆەستيتسيا سالۋعا دايىن. اتالعان ينۆەستيتسيالىق قارجى %1,5- پەن بەرىلمەك. اتالعان مەموراندۋم ساۋدا قاتىناسىندا اقپارات تاراتۋ مەن جاريالانىمدار بويىنشا تاجىريبە الماسۋ، ەكونوميكالىق ىنتىماقتاستىققا اتسالىسۋ، بيزنەستى دامىتۋعا باعىتتالعان ەكىجاقتى ءىس-شارالاردى وتكىزۋدى كوزدەيدى.
كەزدەسۋ بارىسىندا «اتامەكەن» ق ر ۇ ك پ ىسكەر ايەلدەر كەڭەسىنىڭ ءتورايىمى ءلاززات رامازانوۆا مەن «اتاسويلار پرەستيج» حولدينگىنىڭ باسقارما ءتورايىمى نەزاكەت ەمينە اتاسوي ءوزارا ىنتىماقتاستىق تۋرالى حاتتاماعا قول قويدى.