بۇل تۋرالى روستۋريزمنىڭ باسپا ءسوز قىزمەتى رەسەي سىرتقى ىستەر مينيسترلىگىنىڭ داعدارىس ورتالىعىنىڭ مالىمەتتەرىنە سۇيەنە وتىرىپ حابارلادى، داپ جازدى ر ي ا نوۆوستي.
مارقۇم بولعانداردىڭ 4 ءۋى شومىلىپ ءجۇرىپ كوز جۇمعان، ولاردىڭ كەيبىرىنىڭ دەنساۋلىعى ناشار بولعان. ۆەدومستۆو وكىلدەرى تۋريستىك باعىتتى تاڭداۋدا دەمالاتىن ايماقتىڭ اۋا رايى ەرەكشەلىكتەرىن نازاردا ۇستاۋ قاجەتتىگىن جانە ىستىق اۋا رايىنىڭ دەنساۋلىققا قالاي اسەر ەتەتىنەن الدىن الا ءبىلىپ الۋ قاجەتتىگىن ايتتى.
وسىعان دەيىن IHA اگەنتتىگى 36 جاسار وكسانا استافەيەۆانىڭ كەمەرە كۋرورتىندا تەڭىزدە شومىلىپ جۇرگەن كەزىندە تىنىسىنىڭ تارىلىپ قايتىس بولعاندىعىن حابارلاعان. مارقۇم بولعان ايەلدىڭ دەنساۋلىعى سۋدا ناشارلاي باستاعان جانە ول قاجەتتى ءدارىنى ءوزىنىڭ تۇرىپ جاتقان بولمەسىندە قالدىرىپ كەتكەن.
Milliyet باسىلىمىنىڭ مالىمەتتەرى بويىنشا، سەنبى كۇنى تۇركيادا تاعى ەكى رەسەيلىك تۋريست قايتىس بولدى. ولاردىڭ ءبىرى 56 جاسار الەكساندر شيەۆچەنكو ماناۆگات كۋرورتى ماڭىندا سۋعا باتىپ كەتكەن. ەر ادام اۋرۋحاناعا بارا جاتىپ كوز جۇمعان.
ەكىنشى 47 جاسار تاتيانا لوگينوۆا وسى كۋرورتتىڭ قوناقۇيلەرىنىڭ بىرىندە جۇرەك تالماسىنان قايتىس بولدى.