Daily Mail دىڭ مالىمەتىنشە، بريتانيانىڭ بيرمينگەم قالاسىندا ەكى جىگىت 91 جاستاعى اجەنىڭ ۇيىنە ۇرلىققا تۇسكەن. 38 جاستاعى ستيۆەن ريد پەن 26 جاستاعى جەروم دجونس اجەنىڭ ۇيىنە كىرىپ، قارت ادامدى ءبىر بولمەگە قاماپ قويعان. ءسويتىپ ولار اجەنىڭ باعالى زاتتارىن ءۇپتى قىلىپ كەتكەن. ۇرلانعان زاتتاردىڭ اراسىندا التىن نەكە ساقيناسى بولعان كورىنەدى. وڭاي تاپقان ولجاسىن سۇيىكتىسىنە سىيلاعان جىگىت ءىستىڭ وسىنشالىقتى ناسىرعا سوعاتىنىن سەزبەگەن.
سوتتا ەكى جىگىتتىڭ وزگەنىڭ ءۇيىن بۇزىپ، ۇرلىق جاساعانى دالەلدەنگەن. ءسويتىپ ريد 4 جىل 9 ايعا باس بوستاندىعىنان ايىرىلعان. ال ونىڭ قاسىنداعى سىبايلاسى 4 جىل 3 ايعا سوتتالىپتى.
Baq.kz