قازىر، ءتىپتى، كۇيزەلىس نەمەسە اپاتيا سىندى پسيحولوگيالىق اۋرۋلارعا قارسى ءدارى- دارمەكتەر دە شىعارىلادى. ءبىراق، حيميالىق زاتتارمەن اعزانى ۋلاعاننىڭ ورنىنا تومەندەگى كەڭەستەرگە جۇگىنە وتىرىپ ودان تابيعي جولمەن قۇتىلۋعا تىرىسىپ كورگەن ءجون بولارى انىق.
قۇرامىندا ومەگا-3 قىشقىلى بار تاماق ءىشىڭىز
ومەگا-3 قىشقىلىنىڭ EPA ءتۇرى ءوزىڭىزدى جاقسى سەزىنۋگە كومەكتەسەتىن بولسا، ونىڭ DHA ءتۇرى ميىڭىزدىڭ جۇمىس جاساۋ قابىلەتىن ارتتىرادى. مۇنداي پايدالى زاتتار اعزاعا كوپ جاعدايدا بالىق ونىمدەرىن جەۋ ارقىلى بارادى. بالىقتىڭ ىشىندە دە مايلى تۇرلەرىن پايدالاعان ءجون. سونداي- اق، اتالعان قىشقىل ءتۇرى تەك بالعىن بالىق قۇرامىندا عانا جاقسى ساقتالادى.
جارىق قورابىنا قاراڭىز
بىرەۋ بىلسە، بىرەۋ بىلمەس، ءبىراق، مۇڭايۋ مەن قۋانۋ - حيميالىق ۇدەرىس. ەگەر ءسىز تاڭ اتىسىمەن 20 نەمەسە 60 مينۋت جارىق قورابىنا قاراپ وتىرۋدى ءبۇرتۇرلى ارەكەت دەپ توپشىلاساڭىز، مىناداي دەرەككە قۇلاق ءتۇرىڭىز. العاشىندا مۇنداي جارىق قوراپتارى اففەكتيۆتى پسيحولوگيالىق بۇزىلىستاردى ەمدەۋ ءۇشىن جاسالعان. ولاردىڭ اسەرى انديدەپرەسسانت دارىلەردەن اسىپ تۇسكەن. ول جۇمىستى ادامنىڭ كوڭىل- كۇيىنە جاۋاپ بەرەتىن سەروتونين مولشەرىن ارتتىرۋ ءپرينتسيپى بويىنشا ىستەيدى.
يوگ سەكىلدى دۇرىس تىنىس الىڭىز
پراناياما تەحنيكاسى بويىنشا تىنىس الۋدىڭ دا اسەرى جوعارى. ول ارقىلى كۇيزەلىس گارموندارىنىڭ مولشەرىن تومەندەتۋگە بولادى. ەڭ اۋىر پسيحيكالىق اۋىتقۋلاردىڭ ءوزىن ديافراگمالدى تىنىس الۋ ارقىلى ەمدەۋگە ابدەن بولادى. ەگەر بۇل ادىسكە قىزىعۋشىلىق تانىتساڭىز YouTube-ساباقتاردى جۇكتەپ الىڭىز.
زاپىران ءىشىڭىز
زاپىراننان (شافران) جاسالعان سۋسىن كۇيزەلىس پەن اپاتيادان ارىلۋعا كومەكتەسەدى. الدىمەن، ستاكانعا جىلى ءسۇت قۇيىڭىز، ونىڭ ۇستىنە جارتى ءشاي قاسىق كوريتسا مەن زاپىراننىڭ 5 ءتۇيىرىن سەبىڭىز. سۋسىندى ۇيىقتار الدىندا ىشسەڭىز، جانىڭىز تىنىشتىق تابادى. قۇرامىندا فوليي قىشقىلى بار تاماق جەڭىز فولي قىشقىلىن، ادەتتە، ۆ9 دارۋمەنى دەپ اتايدى. ول ميداعى تريپتوفاندى سەروتونينگە اينالدىرۋعا كومەكتەسەدى. ەگەر اعزادا ونىڭ مولشەرى ازايىپ كەتسە، ادامدى كوڭىلسىزدىك باسادى. فوليي قىشقىلى كوكونىستەر قۇرامىندا بولادى.
سپورتپەن شۇعىلدانىڭىز
بۇل ءادىس تۋرالى ەستىمەگەن، ونى سەزىنىپ كورمەگەن ادام جوق شىعار. دەسە دە، سپورت ارتىق ەتپەيدى. فيزيكالىق سالماق اعزاداعى ەندورفين اتالاتىن باقىت گورموندارىنا اسەر ەتەدى.
Massaget.kz