دەگەنمەن ول جايىندا ايتىلاتىن ءتۇرلى جايتتار بار. ءتىپتى اراسىندا اڭىزعا اينالىپ كەتكەندەرى دە بار. سونىمەن ءسىز بەن ءبىز ناقتى بىلمەيتىن شىندىق پەن وتىرىكتىڭ اراسىن اجىراتىپ الساق.
كۇندە سۋ جوق
بۇل وتىرىك. بالكىم قىزىق ەستىلۋى دە مۇمكىن، ءبىراق كۇن بەتىندە سۋ بولادى. ءتىپتى كۇن بەتىندەگى سۋدىڭ قۇرامى ءبىز ويلاعاننان دا كوپ. تەك قانا ىستىق ساۋلە تاراتاتىن كۇندە سۋ قايدان بولۋى مۇمكىن، ول قايدان كەلەدى دەگەن سۇراقتىڭ ءسىزدى مازالاۋى زاڭدىلىق. ءيا، سۋ شىنىمەن بار. ول كۇننىڭ ىستىعىنا ءتوزىمدى مولەكۋلالار. ال بۇل مولەكۋلالار ءار تامشىدان سۋ بولگەن كەزدە كۇننىڭ سالماعىنا ساي بەلگىلى مولشەردە سۋ پايدا بولىپ وتىرادى. ورتا عاسىردا ادامدار كۇن بەتىندەگى قارا نۇكتەلەردى وزەندەر مەن كولدەر دەپ توپشالاعان. ءبىر قىزىعى بۇل شىندىققا دا جاناسۋى مۇمكىن.
كۇن ءاردايىم ءبىر ورىندا تۇرادى
بۇل وتىرىك. كۇننىڭ الىپ جۇلدىز ەكەنىن ۇمىتپاۋىمىز كەرەك. كۇن گالاكتيكادا قوزعالىستا بولاتىن الىپ جۇلدىز. ول ساعاتىنا 217 ك م جىلدامدىقپەن قوزعالادى. جىلدامدىق اسا جوعارى بولعانىمەن كۇننىڭ سالماعى مەن الىپتىعىنا بايلانىستى ول بۇل قوزعالىسپەن گالاكتيكانى 250 ميلليون جىلدا اينالىپ بىتەدى. بۇل جىل كوسموستىق جىل ەسەبىندە ەكەنىن دە ايتا كەتۋ كەرەك.
كۇن جازعا قاراعاندا قىس مەزگىلىندە جەرگە جاقىن بولادى
بۇل وتىرىك. سەبەبى كۇن مەن جەر اراسىنداعى قاشىقتىق جىلاي سايىن وزگەرىسكە ۇشىراپ وتىرادى. تۇسىندىرە كەتۋ كەرەك كۇن جەردى ەمەس، جەر كۇندى اينالا قوزعالادى. جەر مەن كۇننىڭ ارا قاشىقتىعى 150 ميلليون كم ەكەنىن ەسكەرسەك بۇل تىپتەن قيسىنسىز. دەگەنمەن كۇننىڭ جالپى الىپ بەينەسىن 3-4 قاڭتار ايلارىندا باقىلاۋعا بولادى. بۇل كۇن قىستا جەرگە جاقىن بولادى دەگەن ءسوز ەمەس. ويتكەنى كۇننىڭ قىس بويىنا جەرگە جاقىندىعى ادامزات ءۇشىن وتە قاۋىپتى.
كۇن وتتى لاۆالاردان تۇرادى
بۇل دا وتىرىك. سەبەبى كۇن ەشقانداي وتتى لاۆا ەمەس بەلگىلى كوسموستىق ەلەمەنتتەردەن قۇرالعان. ءسوز باسىندا ءتىپتى كۇن قۇرامىندا سۋدىڭ بولاتىنىن ونىڭ تەك الىپ جۇلدىز ەكەنىن ەسكەرتىپ وتتىك. وسى تۇرعىدان كەلگەندە كۇن وزىنە ءتۇرلى ەلەمەنتتەردى جيناقتاعان، مولەكۋلالاردان تۇراتىن الىپ جۇلدىزدار شوعىرىنىڭ ەڭ ۇلكەنى دەۋگە بولادى.
بولاشاقتا كۇن ۇلكەيىپ ادامزاتقا ۇلكەن قاۋىپ ءتوندىرۋى مۇمكىن.
بۇل ەندى شىندىق. ءيا كۇننىڭ الىپتىعى ونىڭ ۇلعايۋىنا اسەر ەتەدى. ءارى بۇل كۇندە كۇننىڭ ۇلكەيىپ جاتقانى دا وتىرىك ەمەس. ول الىپ جۇلدىز بولعاننان كەيىن ونى جارىلىس جاساۋ قاۋپى دە بار. ال بۇل جاعداي تەك جەر شارى ءۇشىن ەمەس، جالپى كۇن جۇيەسىندەگى بارلىق تىرشىلىك ءۇشىن قاتەر توندىرەتىن جايت.
massaget.kz