يۋرمالادا دەمالىپ جاتقان رەسەيلىك جۇلدىز اللا پۋگاچەۆا 5 وققاعار جالدادى - فوتو
ولار تۇرىپ جاتقان ۆيللانىڭ اينالاسى تۇگەلدەي قاۋىپسىزدەندىرىلگەن. الايدا، پۋگاچەۆا مەن گالكين وققاعارلارسىز قىدىرادى.
ءانشى لاتۆيا ساياجايىندا قاۋىپسىز بولۋ ءۇشىن يۋرمالادا وتكەن «جاڭا تولقىن» بايقاۋىنداعى جەكە كۇزەت كاسىپورنىنىڭ قىزمەتىنە جۇگىنگەن. بەس وققاعار ۇنەمى ءانشىنى كۇزەتىپ جۇرەدى.
«بارلىق قىزمەت ءۇشىن كەلىسىم-شارت جاسالادى. جۇلدىز رەتىندە اللا پۋگاچەۆاعا جەڭىلدىكتەر جاسالدى. ال، نەگىزىندە ۇزاق مەرزىم ءۇشىن كۇزەت قىزمەتى 3 ميلليون رۋبل كولەمىندە بولادى»، - دەيدى SP Legions فيرماسىنىڭ قىزمەتكەرلەرىنىڭ ءبىرى.
پۋگاچەۆا بالتىق جاعالاۋىندا وتباسىمەن بىرگە دەمالىپ جاتىر. جۇلدىزدى جۇپ جاز ايىندا قىمبات ساياجايدىڭ ءبىرىن جالداعان.
جۇلدىزداردىڭ ليزا مەن گارري اتتى ەگىز قىزدارىن ەكى كۇتۋشى قارايدى. جەرگىلىكتى تۇرعىندار ارتىستەردى دەمالىس ايماعىنان، بالالار اۋلاسىنان، ءتىپتى شوپپينگ جاساپ جۇرگەن كەزىندە كورىپ قالعان.
ماكسيم گالكين جاقىندا يۋرمالادا ءوزىنىڭ 40 جاسىن تويلاعان ەدى. قوناقتار Philippe مەيرامحاناسىنا جينالىپ، سوڭىنان يگور نيكولايەۆتىڭ ۇيىنە بارعان.