قازاقستاندىق 5 مىڭ وقۋشى وقۋ ساۋاتتىلىعى زەرتتەۋىنە قاتىسادى
«قازاقستاننان حالىقارالىق ىرىكتەۋمەن 5008 ءتورتىنشى سىنىپ وقۋشىلارى وقۋ ساۋاتتىلىعى زەرتتەۋىنە قاتىسۋ ءۇشىن تاڭدالدى. اتالمىش زەرتتەۋگە الەمنىڭ 250000 باستاۋىش سىنىپ وقۋشىلارى قاتىسادى. بارلىق ەلدەر ءۇشىن ءبىرىڭعاي تەستىلەۋ ۋاقىتى بەلگىلەنگەن، ياعني، تەستىلەۋ 80 مينۋت 10 مينۋتتىق ۇزىلىسپەن جۇرگىزىلەدى. ءاربىر قاتىسۋشىعا ەكى ءتۇرلى ءماتىن ۇسىنىلادى. ادەبي ءماتىن - بۇل قىزىقتى وقيعا نەمەسە ەرتەگى رەتىندە ۇسىنىلادى، ال ەكىنشىسى - عىلىمي-اقپاراتتىق باعىتتاعى ماتىندەر بولادى. وندا جانۋارلار تۋرالى اڭگىمەلەر قامتىلماق»، - دەلىنگەن حابارلامادا.
وقۋ ساۋاتتىلىعى ناتيجەسى ەكى پوزيتسيا بويىنشا باعالانادى - ادەبي وقۋ تاجىريبەسى جانە اقپاراتتى يگەرۋى مەن پايدالانا ءبىلۋى. سونداي-اق ساۋالناماعا ءتورتىنشى سىنىپ وقۋشىلارىنىڭ اتا-انالارى، سىنىپ جەتەكشىلەرى جانە مەكتەپ ديرەكتورلارى قاتىسادى.
PIRLS زەرتتەۋىنىڭ ۇيلەستىرۋشىسى بولىپ تابىلاتىن وقۋ جەتىستىكتەرىن باعالاۋ جونىندەگى حالىقارالىق قاۋىمداستىق (IEA) باستاۋىش سىنىپ وقۋشىلارىنىڭ وقۋ ساۋاتتىلىعى دەڭگەيىنە اسەر ەتەتىن سىرتقى فاكتورلاردىڭ دارەجەسى بويىنشا تالداۋىن ۇسىنادى. زەرتتەۋ 2016-جىلعى 4-30- ءساۋىر ارالىعىندا وتەدى. زەرتتەۋ ناتيجەسى 2017-جىلعى جەلتوقساندا جاريالانادى.
زەرتتەۋ بەس جىلدا ءبىر رەت وتكىزىلەدى. جوبا العاش رەت الەمنىڭ 35 ەلىنىڭ قاتىسۋىمەن 2001-جىلى ىسكە اسىرىلدى. PIRLS زەرتتەۋىنىڭ 3 كەزەڭى بويىنشا (2001, 2006, 2011) كوشباسشى ەلدەر قاتارىندا گونكونگ، رەسەي فەدەراتسياسى، فينليانديا جانە سينگاپۋر تۇر.
اۆتور: رۋسلان عابباسوۆ