قازاقستاننىڭ 5 وبلىسىن ورىستاردان امان الىپ قالعان ايگىلى تۇلعانىڭ ەستەلىگى
تەك قاراعاندى وبلىسىنىڭ وساكاروۆكا اۋدانىنان ءارى قاراي عانا قازاقتىڭ جەرى بولادى دەپ تە بەلگىلەنىپ قويعان ەكەن...
-«سەن كىمسىڭ پارتيانىڭ شەشىمىمەن كەلىسپەيتىن؟ قازاقستاننىڭ بەس وبلىسىن رەسەيگە قوسامىز. بولدى»، - دەپ حرۋشەيەۆ ستولدى ۇرعىلادى.
- كونستيتۋتسيا بويىنشا قازاق ەلىنىڭ جەرىن ءبولۋ تۇرماق، كۇن تارتىبىنە قويۋ قاتەلىك، - دەپ تاشەنوۆ قارسى جاۋاپ قاتتى.
- تاشەنوۆ جولداس، كەرەك بولسا سەنىڭ كەلىسىمىڭسىز بيۋرونىڭ ۇيعارىمىمەن قوسا سالامىز. ءتۇسىندىڭ بە؟
- وندا بىرىككەن ۇلتتار ۇيىمىنا شاعىنامىن. كەرەك بولسا گااگا سوتىنا بەرىپ، الەم الدىندا بەدەلىڭىزدى تۇسىرەمىن، - دەدى تاشەنوۆ.
كەكتەنگەن حرۋشەيەۆ سول جينالىستان كەيىن قونايەۆتى شاقىرىپ الىپ «تاشەنوۆتى قىزمەتىنەن الىڭىز» - دەپ تاپسىرما بەردى. ەلگە كەلگەن قونايەۆ بيۋرو وتىرىسىندا اسانباي اسقاروۆ پەن حاسان بەكتۇرعانوۆقا تاشەنوۆتى «دورەكى» دەپ جامانداپ بايانداما جاساتتىرىپ، ارىستى ورنىنان الىپ تىندى.
سول بەكتۇرعانوۆتى ىزىنە ەرتىپ، قىزمەتىن وسىرتكەن تاشەنوۆ بولاتىن. «كۇشىك اسىراپ ءيت ەتتىم، ول بالتىرىمدى قاپتى» - دەمەكشى، كەيىن 5 اي ۇيدە جۇمىسسىز وتىرعان تاشەنوۆ شىمكەنتكە كىشىگىرىم قىزمەتكە تۇرعاندا، بەكتۇرعانوۆ ىزدەپ بارعان. تاشەنوۆتىڭ كومەكشىسى بەكتۇرعانوۆتى جۇمەكەڭە كىرگىزبەي قويىپتى. «ايتارىڭىزدى ايتتىڭىز بيۋرو وتىرىسىندا، ەندى نە بەتىڭىزبەن كەلىپ تۇرسىز، جۇمابەك احمەت ۇلىنا» - دەپ قابىلداۋ بولمەسىنىڭ بوساعاسىنان قايتارعان.
تاشەنوۆتىڭ ەرلىگى ەلگە پاش ەتىلە باستاعاندا اسانباي اسقاروۆ تا كەشىرىم سۇراي كەلىپتى. «ماعان تاپسىرما سونداي بولىپ ەدى» دەپ.
جۇمابەك تاشەنوۆ ءومىرىنىڭ ءبىر ساتىنەن، ۇلى سايان تاشەنوۆتىڭ ەستەلىگى
qazaquni.kz