دەپ حابارلادى www.24.kz.
ءبىرىنشى كەزەڭدە جىلىنا 200 مىڭ توننا جوعارى وكتاندى ەتيلسىز Ка5 بەنزينىن ءوندىرۋ جوسپاردا. ال ەكىنشى ىسكە قوسۋ كەشەنى اياسىندا ەكولوگيالىق تازا ديزەل وتىنى شىعارىلماق.
قۇنى 200 ميلليون ا ق ش دوللارى بولاتىن جوبا وتكەن جىلى يندۋستريالاندىرۋ كارتاسىنا ەنگىزىلگەن. شىعىنداردىڭ وتەلۋ مەرزىمى - 8 جىل. وسى ارقىلى قاراشىعاناق كەن ورنىندا شيكىزاتتى تەرەڭ وڭدەۋ ءوندىرىسى ورىستەپ، تيىسىنشە دايىن ءونىمدى سىرتقى نارىقتا ساۋدالاۋ كوزدەلىپ وتىر. «كوندەنسات» كومپانيالار توبى باسشىسىنىڭ ايتۋىنشا، زاۋىت وسى جىلدىڭ ءۇشىنشى توقسانىندا ىسكە قوسىلماق.
«كەدەندىك وداق جانە قازىرگى ەۋرازيالىق ەكونوميكالىق وداق ەلدەرى 5 كلاستى بەنزيندى قولدانۋعا ءبىرجولا كوشتى. قازاقستان بۇعان ەندى عانا كىرىسىپ جاتىر. ءبىزدىڭ مىندەتىمىز - باتىس قازاقستان مەن كورشىلەس وبلىستاردى ساپا ستاندارتىنا ساي ونىممەن قامتاماسىز ەتۋ. قازىردىڭ وزىندە ءبىز رەسەيلىك وندىرۋشىلەرمەن باسەكەلەستىككە دايىنبىز دەپ ەسەپتەيمىن»، دەدى «كوندەنسات» كومپانيالار توبى ديرەكتورلار كەڭەسىنىڭ ءتوراعاسى ۆالەري ءجۇنىسوۆ.